ከኢትዮጵያ ጋር ያለን ግንኙነት እንዲጠናከር በልዩ ትኩረት እንሠራለን – የደ/አፍሪካ ውጭ ጉዳይ ሚኒስቴር

በውይይታቸውም አምባሳደር ሙክታር በኢትዮጵያ ስለለው ወቅታዊ ሁኔታ አብራርተዋል፡፡

አሸባሪው ህወሓት ግጭቱ እንዲከሰት፣ እንዲባባስና መፍትሔ እንዳይገኝ ሀገር የማፍረስ እኩይ ተግባሩን እንደቀጠለበት ጠቁመው÷ በአንጻሩ ለዓለም አቀፉ ማህበረሰብ ሰላም ፈላጊ መስሎ ለመታየት የማጭበርበር ተግባሩን እንደቀጠለበት አስረድተዋል፡፡

ኬሲ ማሼጎ ድላሚኒ በበኩላቸው÷ የኢትዮጵያ ሰላም መሆን ለአፍሪካ ቀንድና ለአህጉሩ ሰላም ከፍተኛ ፈይዳ አለው ማለታቸውን የኤምባሲው መረጃ ያመላክታል፡፡

አሸባሪው ህወሓት ለሦስተኛ ጊዜ የከፈተው ጦርነት ደቡብ አፍሪካን እንደሚያሳስባት ገልጸው÷ ሀገራቸው ግጭቱ ቆሞ ሰላም እንዲሰፍንና ለጉዳዩ በድርድር ላይ የተመሰረተ መፍትሄ እንዲሰጠው ፍላጎት እንዳላት ተናግረዋል፡፡

የኢትዮጵያና ደቡብ አፍሪካ ግንኙነት የበለጠ እንዲጠናከር በትኩረት እንደሚሠሩም አረጋግጠዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!