በደረስንበት የስኬት ምዕራፍ ሳንታጠር፤ ድላችንን እያጣጣምን ለላቀ ድል መነሳት ይኖርብናል- ም/ጠ/ሚኒስትር ደመቀ መኮንን

በመልእክታቸውም፥ “እነሆ! የሃገራችን ብሄሮች፣ ብሄረሰቦችና ህዝቦች ባለፉት ዓመታት ለፕሮጀክቱ ስኬት ተሳትፏቸውን በተለያየ መልክ የገለፁበት እና ግንባታው ለአፍታ እንዳይገታ የባለቤትነት ስሜታቸውን በቁጭት ያንፀባረቁበት ታሪካዊ የውሃ ሙሌት ምዕራፍ በስኬት በመጠናቀቁ – እንኳን ደስ አላችሁ፤ እንኳን ደስ አለን” ብለዋል።

በቀጣይም በተቀናጀ የተፋሰስ ስራ የግድቡን ጤንነት የመጠበቅ፤ የግንባታ ስራዎችን የማከናወን፤ የዕውነትን መንገድ በማጥበቅ የተፈጥሮ ፀጋችንን ፍትሃዊ በሆነ አግባብ የመጠቀም እና የታችኛው ተፋሰስ ሃገራትን ፍትሃዊ ተጠቃሚ እንዲሆኑ የማስቻል ስራዎች ተጠናክረው እንደሚቀጥሉም ገልፀዋል።

“በደረስንበት የስኬት ምዕራፍ ሳንታጠር፤ ድላችንን እያጣጣምን ለላቀ ድል መነሳት ይኖርብናል” ሲሉም ምክትል ጠቅላይ ሚኒስትር አቶ ደመቀ መኮንን መልእክታቸውን አስተላልፈዋል።

#FBC

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።