ሀገር አቀፍ የሰላም ጉባኤ በሐረር ከተማ መካሄድ ጀመረ

On Aug 4, 2025 56

አዲስ አበባ፣ ሐምሌ 28፣ 2017 (ኤፍ ኤም ሲ) የኢትዮጵያ ሃይማኖት ተቋማት ጉባኤ የሚያዘጋጀው አራተኛው ሀገር አቀፍ የሰላም ጉባኤ በሐረር ከተማ መካሄድ ጀምሯል።

ጉባኤው ሃይማኖት ለሰላም፣ አንድነትና አብሮነት ላይ እየመከረ ሲሆን÷ የሃይማኖት ተቋማት መሪዎች፣ የሀገር ሽማግሌዎች፣ ከፍተኛ የመንግስት ስራ ኃላፊዎች እና የተለያዩ የሕብረተሰብ ክፍል ተወካዮች ተገኝተዋል።

ዛሬን ጨምሮ ለሁለት ቀናት የሚካሄደው የሰላም ጉባኤ በሀገሪቱ አንዳንድ አካባቢዎች የሚታዩ ችግሮችን ለመፍታት አስተዋጽኦ እንደሚኖረውም ተገልጿል።

ጉባኤው ከዚህ ቀደም በድሬዳዋ፣ ጅማ እና ባሕር ዳር በተካሄዱ የሰላም ጉባኤዎች ሕብረተሰቡ የሰላም ባለቤት እንዲሆን የሚያስችሉ ተግባራት መከናወናቸውም ተመላክቷል።

በጌታሰው የሽዋስ

ፈጣን እና ወቅታዊ መረጃዎችን ለማግኘት፡-