ቀይ ቀበሮዎቹ ከ22 ዓመታት በኋላ ወደ አፍሪካ ዋንጫ ለመመለስ…
አዲስ አበባ፣ ሕዳር 21፣ 2018 (ኤፍ ኤም ሲ) የኢትዮጵያ ከ17 ዓመት በታች ብሔራዊ ቡድን (ቀይ ቀበሮዎቹ) ከ22 ዓመት በኋላ ወደ አፍሪካ ዋንጫ ለመመለስ በዛሬው ዕለት ወሳኝ ጨዋታ ያደርጋሉ፡፡
ከ17 ዓመት በታች የአፍሪካ ዋንጫ የምስራቅና መካከለኛው አፍሪካ ዋንጫ (ሴካፋ) ማጣሪያ ውድድር ቀይ ቀበሮዎቹ ቀን 9 ሰዓት ላይ ከዑጋንዳ ብሄራዊ ቡድን ጋር ይጫወታሉ፡፡
በአሠልጣኝ ቤንጃሚን ዚመር የሚመራው ታዳጊ ብሄራዊ ቡድኑ ከምድቡ በ10 ነጥብ ቀዳሚ ሆኖ ያጠናቀቀ ሲሆን፥ ወደ ፍፃሜ ለማለፍ በአበበ ቢቂላ ስታዲየም የሚያደርገው ጨዋታ ይጠበቃል፡፡
የኢትዮጵያ ከ17 ዓመት በታች ብሔራዊ ቡድን ጨዋታውን በድል የሚወጣ ከሆነ የፍፃሜ ተፋላሚ ከመሆኑ በላይ ከ22 ዓመታት በኋላ ወደ አፍሪካ ዋንጫ መመለሱን ያረጋግጣል ።
በአበበ ቢቂላ ስታዲየም የሚደረገው ተጠባቂ የግማሽ ፍፃሜ ጨዋታ በፋና ፕላስ የቴሌቪዥን ቻናል እንዲሁም በፋና ሚዲያ ኮርፖሬሽን የማኅበራዊ ሚዲያ አማራጮች በቀጥታ ይተላለፋል።