የብሔሮች፣ ብሔረሰቦችና ሕዝቦች ቀንን አስመልክቶ በቡሌ ሆራ የፓናል ውይይት እየተካሄደ ነው

አዲስ አበባ፣ ሕዳር 21፣ 2018 (ኤፍ ኤም ሲ) በኦሮሚያ ክልል 20ኛውን የብሔሮች፣ ብሔረሰቦችና ሕዝቦች ቀን በዓል አስመልክቶ በቡሌ ሆራ ዩኒቨርሲቲ የፓናል ውይይት እየተካሄደ ነው፡፡

በፓናል ውይይቱ የኦሮሚያ ክልል ኮሙኒኬሽን ቢሮ ሃላፊ አቶ ሃይሉ አዱኛ፣ የፌዴራልና የክልል ከፍተኛ የሥራ ሃላፊዎች እንዲሁም ጥሪ የተደረገላቸው እንግዶች ተገኝተዋል፡፡

የቡሌሆራ ዩኒቨርሲቲ ፕሬዚዳንት ብርሃኑ ለማ (ዶ/ር) በዚህ ወቅት እንዳሉት ÷ ከፍተኛ የትምህርት ተቋማትና ምሁራን ጥናትና ምርምሮችን በማካሄድ ሕብረብሄራዊ መግባባትን ለመፍጠር በትኩረት ሊሰሩ ይገባል፡፡

አሁን ላይም በፓናል ውይይቱ የተለያዩ ጥናታዊ ጽሑፎች ቀርበው ውይይት እየተደረገባቸው ይገኛል።

20ኛው የብሔሮች፣ ብሔረሰቦች እና ሕዝቦች ቀን በዓል በማዕከላዊ ኢትዮጵያ ክልል “ዴሞክራሲያዊ መግባባት ለሕብረብሔራዊ አንድነት” በሚል መሪ ሃሳብ ከፊታችን ሕዳር 25 ቀን 2018 ዓ.ም ጀምሮ ይከበራል፡፡

በመራኦል ከድር