ኢትዮጵያን ለመገንባት የመደመር መንገድ አስፈላጊ ነው – ቢቂላ ሁሪሳ (ዶ/ር)
አዲስ አበባ፣ ሕዳር 21፣ 2018 (ኤፍ ኤም ሲ) ኢትዮጵያን ለመገንባት የመደመር መንገድ አስፈላጊ ነው አሉ የብልፅግና ፓርቲ የሕዝብና ዓለም አቀፍ ግንኙነት ዘርፍ ኃላፊ ሚኒስትር ቢቂላ ሁሪሳ (ዶ/ር)፡፡
ሚኒስትሩ ከፋና ፖድካስት ጋር በነበራቸው ቆይታ፥ በኢትዮጵያ የምንገነባው የዴሞክራሲ ስርዓት ከሁላችን በሁላችን ለሁላችን የሆነ ስርዓት መሆን አለበት ብለዋል፡፡
በኢትዮጵያ የዴሞክራሲ ስርዓት በጽኑ መሰረት ላይ እንዲኖር እና ዘላቂ እንዲሆን መሰባሰብ እንደሚገባ ገልጸው፤ አካታች፣ አቃፊ፣ አሳታፊ እና የሁሉም የሆነች ኢትዮጵያን ለመገንባት የመደመር መንገድ አስፈላጊ ነው ሲሉ አንስተዋል።
ይህንን ለማሳካትም መደመር፣ መሰባሰብ እና አቅሞቻችንን ወደ አንድ ማምጣት አለብን ነው ያሉት፡፡
ባለፉት ሰባት ዓመታት የተከተልነው መንገድ አቅም የመበተን ሳይሆን አንድ በመሆን እና በመደመር ነገሮችን አቅዶ የመከወን አቅማችንን ከፍ የሚያደርግ ነው በማለት አብራርተዋል።
በዚህም የማይታሰቡ ግዙፍ ስራዎችን ለመስራት ያስቻለ መሆኑን ተናግረዋል።
ሕዝብን በሚገባው እና በሚመለከተው ጉዳይ አሳታፊ በማድረግ አሻራውን እንዲያሳርፍ ማበረታታት በመንግሥት እና በሕዝብ መካከል ያለውን ግንኙነት እንደሚያጠናክርም ጠቁመዋል፡፡
የመደመር መንገድ ፖለቲካዊ፣ ኢኮኖሚያዊ እና ዲፕሎማሲያዊ አቅማችን ስለሆነ በዚህ መንገድ የማናሳካው ነገር የለም ሲሉ ነው ያስረዱት።
ባለፉት ሰባት ዓመታት የተሰሩ ስራዎች ሕዝብ በቀጥታ በሀሳብ፣ በገንዘብና በጉልበት የተሳተፈባቸው እንደሆኑ አመልክተው፤ ይህም የመደመር መንገድ መሆኑን አስረድተዋል፡፡
በብርሃኑ አበራ
የብልፅግና ፓርቲ የሕዝብና ዓለም አቀፍ ግንኙነት ዘርፍ ኃላፊ ሚኒስትር ቢቂላ ሁሪሳ (ዶ/ር) ከፋና ፖድካስት ጋር የነበራቸውን ቆይታ ለመከታተል ማስፈንጠሪያውን ይጫኑ፡- https://www.youtube.com/watch?v=AnRAmc-DkNc
ፈጣን እና ወቅታዊ መረጃዎችን ለማግኘት፡-
YouTube www.youtube.com/@fanamediacorporation
Facebook www.facebook.com/fanabroadcasting
Facebook https://web.facebook.com/fanasport
Facebook www.facebook.com/wmccwaltamediaandcommunicationcorporate
Telegram t.me/fanatelevision
Website www.fanamc.com
TikTok www.tiktok.com/@fana_television
WhatsApp www.whatsapp.com/channel/0029VbB0dRxG8l59MUkoWR29
Amharic Entertainment YouTube www.youtube.com/@fanaentertainment
TikTok www.tiktok.com/@fanamc_entertainment
Amharic Podcast YouTube www.youtube.com/@fanamcpodcast በመወዳጀት ይከታተሉን፡፡
ዘወትር፦ ከእኛ ጋር ስለሆኑ እናመሰግናለን!