የኢትዮጵያን የባሕር በር ጥያቄን ለማስመለስ የሚደረገው ጥረት ቀጥሏል – አምባሳደር ጀማል በከር (ዶ/ር)

አዲስ አበባ፣ ሕዳር 21፣ 2018 (ኤፍ ኤም ሲ) ኢትዮጵያ በሴራና በሕገ ወጥ መንገድ ያጣችውን የባህር በር በሰላማዊ መንገድና በድርድር ለማስመለስ ጥረቷን አጠናክራ ቀጥላለች አሉ በተባበሩት ዐረብ ኤምሬቶች የኢትዮጵያ አምባሳደር ጀማል በከር (ዶ/ር)፡፡

አምባሳደሩ ከአቡዳቢ እና ዱባይ የኢትዮጵያውያን ማህበረሰቦች የልማት ማህበራት ተወካዮች ጋር ባደረጉት ውይይት፤ ኢትዮጵያን የአፍሪካ የብልጽግና ተምሳሌት ለማድረግ ይፋ ስለተደረጉ አዳዲስ ሜጋ ፕሮጀክቶች ሰፊ ገለጻ አድርገዋል።

በዚህም በታላቁ የኢትዮጵያ ሕዳሴ ግድብ መጠናቀቅ የተጀመረው የሀገራችን አዲስ የከፍታ ምዕራፍ በማዳበሪያ ፋብሪካ፣ በተፈጥሮ ጋዝ ምርት እንዲሁም በሚሊየን የሚቆጠሩ ቤቶች ግንባታ ተጠናክሮ ቀጥሏል ብለዋል።

ኢትዮጵያ በሴራና በሕገ ወጥ መንገድ የባህር በር ማጣቷን ገልጸው፤ በሰላማዊ መንገድ እና በድርድር የባህር በር ጥያቄዋን ለማስመለስ ጥረቷን አጠናክራ ቀጥላለች ነው ያሉት።

ፈጣንና ተለዋዋጭ በሆነው የዓለም አሁናዊ ሁኔታ ዲፕሎማሲያችን በብሔራዊ ጥቅማችን ዙሪያ ከመሽኮርመም በመውጣት የሀገራችንንና የአፍሪካን ተደማጭነት ወደ ማሳደግ ተሸጋግሯል ሲሉ አስረድተዋል።

ለአብነትም ኢትዮጵያ የብሪክስ አባል መሆኗን ማንሳታቸውን ኤምባሲው ለፋና ዲጅታል በላከው መረጃ አመላክቷል።

የአቡዳቢና ዱባይ የኢትዮጵያውያን ማህበረሰብ ቦርድ አመራሮች በበኩላቸው፤ በተባበሩት ዐረብ ኤምሬቶች የሚገኙ ኢትዮጵያውያን ከሀገራቸው ብሔራዊ ጥቅም ጎን እንደሚሰለፉ አረጋግጠዋል።

የተወጠነው የሰላም፣ የዕድገትና የብልጽግና ትልም እንዲሳካ የበኩላቸውን እንደሚወጡም ተናግረዋል።

ፈጣን እና ወቅታዊ መረጃዎችን ለማግኘት፡-

YouTube www.youtube.com/@fanamediacorporation

Facebook www.facebook.com/fanabroadcasting

Facebook https://web.facebook.com/fanasport

Facebook www.facebook.com/wmccwaltamediaandcommunicationcorporate

Telegram t.me/fanatelevision

Website www.fanamc.com

TikTok www.tiktok.com/@fana_television

WhatsApp www.whatsapp.com/channel/0029VbB0dRxG8l59MUkoWR29

Amharic Entertainment YouTube www.youtube.com/@fanaentertainment

TikTok www.tiktok.com/@fanamc_entertainment

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!