በደሴ ከተማ በደረሰ የመኪና አደጋ የ3 ሰዎች ህይወት አለፈ

On Dec 2, 2025 162

አዲስ አበባ፣ ሕዳር 23፣ 2018 (ኤፍ ኤም ሲ) በአማራ ክልል ደሴ ከተማ በደረሰ የመኪና አደጋ የ3 ሰዎች ህይወት አልፏል።

በከተማዋ ሰኞ ገበያ ክፍለ ከተማ ቢለን ተብሎ በሚጠራው አካባቢ በደረሰ የመኪና አደጋ የ3 ሰዎች ህይወት ማለፉን በደሴ ከተማ ፖሊስ መምሪያ የ3ኛ ፖሊስ ጣቢያ ኃላፊ ኢንስፔክተር ፈቲያ ሀሰን ለፋና ሚዲያ ኮርፖሬሽን ተናግረዋል።

አደጋው በዛሬው ዕለት ከቀኑ 10 ሰዓት አካባቢ የደረሰ መሆኑን ነው የገለጹት።

አደጋው የጭነት ተሽከርካሪ መኪና በመገልበጡ ምክንያት መከሰቱን አንስተው÷ የ3 ሰዎች ህይወታቸው ሲያልፍ 2 ሰዎች ላይ ደግሞ ከባድ ጉዳት እንደደረሰ አስረድተዋል።

በአደጋው በንብረት ላይ ጉዳት መድረሱን የገለጹት ኃላፊዋ÷ የተሽከርካሪው ሹፌር በህግ ስር ሆኖ ህክምና እየተከታተለ መሆኑን አውስተው÷ የአደጋው መንስኤ እየተጣራ መሆኑን አመላክተዋል።

በከድር መሀመድ

ዘወትር፦ ከእኛ ጋር ስለሆኑ እናመሰግናለን!