የአእላፋት ዝማሬ መንፈሳዊ ትዕይንት አስደናቂ ነበረ – ምክትል ጠቅላይ ሚኒስትር ተመስገን ጥሩነህ

On Jan 7, 2026 104

አዲስ አበባ፣ ታሕሣሥ 29፣ 2018 (ኤፍ ኤም ሲ) በገና ዋዜማ በመስቀል ዐደባባይ የቀረበው የአእላፋት ዝማሬ መንፈሳዊ ትዕይንት አስደናቂ ነበረ አሉ ምክትል ጠቅላይ ሚኒስትር ተመስገን ጥሩነህ።

ምክትል ጠቅላይ ሚኒስትሩ በማሕበራዊ ትስስር ገፃቸው ባስተላለፉት መልዕክት÷ ወጣቶች ጨዋነት እና ሥነ ሥርዓት በሞላበት መንገድ ሃይማኖታቸውን መግለጣቸው ስለ መጪው ትውልድ ያለንን አመለካከት የሚቀይር ነው ብለዋል።

ትውልዱ ዕድሉ ከተሰጠው ከአስፈሪና አስጊ ነገሮች ርቆ መልካም የሆነውን መንገድ እንደሚከተል አሳይተዋልም ነው ያሉት።

የሃይማኖት እንቅስቃሴዎች የራስን በመግለጥ፣ ሌላውን በማክበርና የጋራ ዕሴት በመፍጠር ላይ ከተመሠረቱ ለሀገር የሚያስገኙት ዋጋ ከፍ ያለ እንደሆነም አመላክተዋል።