የብሔራዊ መታወቂያ ዘርፈ ብዙ ጠቀሜታ እንዳለው ሰላም ሚኒስቴር አስታወቀ

የብሄራዊ መታወቂያ ትግበራ ዝግጅት የደረሰበት ደረጃ ከባለድርሻ አካላት ጋር ውይይት ተካሂዷል።

በክቡር ጠቅላይ ሚኒስትር ዐቢይ አሕመድ የቅርብ ክትትልና ድጋፍ በሰላም ሚኒስቴር መሪነት በሚመለከታቸው ተቋማት የጋራ ተሳትፎ፣ በመስኩ ዕውቀቱ ባላቸው ኢትዮጵያዊን ወጣቶች በተከናወኑ ተግባራት በራስ አቅምፍሬ አፍርቶ 8 በሚሆኑ የፌደራል አገልግሎት ሰጪ ተቋማት የሙከራ ትግበራ ተካሂዶ ውጤታማነቱ ተረጋግጧል።

በዛሬው ዕለትም የውጤቱ ተጠቃሚ ከሆኑ ተቋማት አንዱ ከሆነው የባንክ ኢንዱስትሪ በባንኮች ፕሬዝደንት አቶ አቤ ሳኖ አስተባባሪነት፥ ከ16 የባንኮች ፕሬዝዳንቶች ጋር ስራው የደረሰበት ደረጃና የቀጣይ አቅጣጫዎች ላይ ገንቢ ውይይቶች መካሄዳቸው ተገልጿል።

በቀጣይ 6 ወራት 30 ሚሊየን ዜጎችን የመመዝገብ ግብ እንዲሳካ ሁሉም ዜጎች እና የሚመለከታቸው ባለድርሻ አካላት ሀላፊነታቸውን እንዲወጡ ጥሪ መቅረቡን ከሰላም ሚኒስቴር ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!