የመስቀል፣ የኢሬቻ በዓላትና የመንግስት ምስረታ ስነ-ስርዓት ያለ ምንም የፀጥታ ችግር እንዲከወኑ ዝግጅት ተጠናቋል-የፌደራል ፖሊስ

በቅርቡ የሚከበሩት መንግስታዊ፣ ህዝባዊ፣ ባህላዊና ሀይማኖታዊ ክብረ በዓላት በሰላም እንዳይጠናቀቁ እንቅፋት ሊሆኑ ይችላሉ ተብሎ የሚገመቱት አሸባሪው የህወሃት ጁንታ ቡድንና የኦነግ ሸኔን ጨምሮ በሀገር ውስጥና በውጭ ሀገር ያሉ የሀገሪቱን ሰላምና ፀጥታ እንዲናጋ የሚፈልጉ አካላትን የመከላከልና ህግን የማስከበር ተግባር በተደራጀ መልኩ እየተከናወነ መሆኑን ኃላፊው አስረድተዋል፡፡

በሁሉም የሀገሪቱ አካባቢዎች በቂ ስምሪት በማድረግ በዓላቱ ሰላማዊ በሆነ መንገድ እንዲከበሩና የፀጥታ ችግር እንዳይፈጥር የቅድመ መከላከል ስራዎች እየተሰሩ መሆኑን ምክትል ኮሚሽነር ጄነራሉ ገልፀዋል፡፡

ማንኛውም ግለሰብ በዓሉን ሊያውኩ የሚችሉ ማናቸውንም ዓይነት ተተኳሽ መሳሪያዎችን መጠቀም እንደሌለበትና ሁሉም ህብረተሰብ አካባቢውን በጥንቃቄ በመጠበቅ በዓሉ እንዳይሳካ ተልኮ ወስደው የሚንቀሳቀሱ አካላትን እንዲያጋልጥ ጥሪ ማቅረባቸውን ከፌደራል ፖሊስ ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!