ኢኮኖሚ ከም ሃገራዊ ሓይሊ፡ ናይ ኢትዮጵያ ኩለመዳያዊ ጉዕዞ ምዕባለ

ኣዲስ ኣበባ፣25 መስከረም፣ 2019 (ኤፍ ኤም ሲ) ኣብ ዘበናዊ ዓለምለኸ ኢኮኖሚያዊን ጂኦ-ፖለቲካዊን ውድድር ሓይሊ ሃገራትን ኣብ ከባቢኡ ዘለዎ ፅልዋን ብወተሃደራዊ ዓቕሚ ጥራይ ዝውሰን ዘይኮነስ፣ ብፅኑዕ ኢኮኖሚያዊ መሓውር፣ ብርእሰ ምኽኣልን ብቴክኖሎጂያዊ ድልውነትን እዩ።

ኣብ ኢትዮጵያ ኣብ ዝሓለፉ ዓመታት ዝተራእየ ለውጢ ኣብ ፖለቲካዊ፣ ኢኮኖሚያዊን ማሕበራዊን ዘፈራት ኢኮኖሚያዊ ምዕባለ ከም መረጋገፂ ህልውና ሃገርን መረጋገፂ ምዕባለን ንምግባር ዝዓለመ ከይዲ እዩ።

እዚ ጉዕዞ ብቐንዱ ብፍልስፍና መደመር ዝተቐነየ ኮይኑ፣ ኣዎንታዊ ክብርታት ዝሓለፈ ብምቕፃል፣ ዝተራእዩ ጌጋታት ብምእራምን ተስፋ ናይ ፅባሕ ሃገር ዝያዳ ብሩህ ንምግባር ሓደሽቲ ኣሰራርሓታት ብምትግባርን ዝተመስረተ እዩ።

ዓቕሚ ኢኮኖሚ ከም ሃገራዊ ሓይሊ ንምጥቃም ዝዓበየ መርኣያ ድማ፣ ንብዙሕ ወለዶታት ዝሰግሩ ዓበይቲ ፕሮጀክታት ብምህናፅን ብምዝዛምን እዩ።

ንዓመታት ተጀሚሮም እናተጓተቱ ዝፀንሑ ወይ ኣብ ትልሚ ዝነበሩ ዓበይቲ ፕሮጀክታት ናብ መወዳእታ ንምስግጋር ተኻኢሉ እዩ።

በዙይ እውን ናይ ኢትዮጵያውያን ሓባራዊ ፃዕርን መረጋገፂ ሉዓላውነትን ዝኾነ ዓቢዪ ሕዳሴ ግድብ ኢትዮጵያ፣ ህያው ታሪኻዊ ኣብነት እዩ። እቲ ዝተጓተተ ህንፀት ግድብ ብምዝዛም ስራሕ ንምጅማር ተኻኢሉ እዩ።

ኢትዮጵያ ቀረባ ግዜ ዕላዊ ዝገበረቶ ፕሮጀክት ፋብሪካ ተፈጥሯዊ ጋዝን ማዳበሪያን፣ እታ ሃገር ተፈጥሯዊ ሃፍታ ተጠቒማ ናብ ሓድሽ ምዕራፍ ኢንዱስትሪን ሕርሻን ትሰጋገር ምህላዋ ዘበሰረ ዓቢዪ ሃገራዊ ኩርዓት ኮይኑ እዩ።

እዚ ዓብዩ ናይ ልምዓት ስራሕ፣ ብዓቢዪ ወፃኢ ካብ ወፃኢ ሃገር ዝኣቱ ማዳበሪያ ኣብ ውሽጢ ሃገር ብምፍራይ፣ ውሕስነት ምግቢ ንምርግጋፅን ኢኮኖሚያዊ ናፅነት ንምዕዋትን ዓቢዪ ግደ ኣለዎ።

ብተወሳኺ፣ መገዲ ኣየርና ኣብ ዓውዲ ኣቪዬሽን ናይ ኣህጉር መሪሕነቱ ንምዕቃብን ንምቕፃልን፣ ኣብ ቢሾፍቱ ዝህነፅ ዘመናዊ መዕርፎ ነፈርቲ፣ናይታ ሃገር ዓበይቲ ጀማሮታት ኣውፂኣ ናብ ተግባር ንምቕያር ዘለዋ ፅንዓት ዓቕሚ ዘረጋግፅ እዩ።

ብራኢ መደመር ኢንዱስትሪታት ብዝተበታቲኑ ኩነታት ካብ ምህናፅ ብዝሓለፈ ዝሓሸ መሰረተ ልምዓትን ማዕከል ኣገልግሎትን ዘለዎም ፓርክታት ኢንዱስትሪን ፍሉያት ኢኮኖሚያዊ ዞባታትን ብምውዳብ ፍሉይ ትኹረት ተዋሂብዎ እዩ።

ተግባራዊ ዝኾኑ ዝተፈላለዩ ስርዓታት ዲጂታል ክፍሊት ምስፋሕ ንንግዳዊ ምንቕስቓስ ቅልጡፍ፣ ዘበናዊን ግልፅን ክኸውን ገይርዎ እዩ።

ፍልጠት ኢትዮጵያዊያን ፃዕርን ሕልሚ ዓቢዪነትን ኢትዮጵያውያን ብተግባር ዝገለፁ ዓወታት፣ ሃገራዊ ጅማሮታት ብርእስኻ ብዘለካ ዓቕሚ ናብ መወዳእታ ምብፃሕ ከም ዝከኣል ንዓለም ካብ ምርግጋፆም ብተወሳኺ፣ ንዝመፅእ ወለዶ ዓቢዪ ተስፋን ንቕሓትን ዝፈጠሩ ናይ ፅንዓት ኣሻራታት እዮም።

#ኢትዮጵያ #ዓባይሃገር #ዓብዪህዝቢ #ዓብዪራኢ

በመልካም ፈቃዱ