ኣብ ዓመት 111 ሚሊየን ሊትሮ ምፍራይ ዝኽእል ቀዳማይ ዙር ምርቓት ፕሮጀክት ተፈጥሮ ጋዝ ሓምለዋይ ፈሳሲ ኣካይድና – ቀዳማይ ሚኒስትር ኣቢይ(ዶ/ር)

ኣዲስ ኣበባ፣ 22 መስከረም፣ 2018 (ኤፍ ኤም ሲ)ኣብ ክልል ሶማሌ ካሉብ ኣብ ዓመት 111 ሚሊየን ሊትሮ ምፍራይ ዝኽእል ቀዳማይ ዙር ምርቓት ፕሮጀክት ተፈጥሮ ጋዝ ሓምለዋይ ፈሳሲ ኣካይድና ኣለና ኢሎም ቀዳማይ ሚኒስትር ኣቢይ ኣሕመድ(ዶ/ር)።

እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ኣብ ዓመት 1.33 ቢሊየን ሊትሮ ናይ ምፍራይ ዓቕሚ ዝህልዎ ካልኣይ ዙር ኣጀሚርና ኣለና ክብሉ ገሊፆም።

ካብ ምፍራይ ፈሳሲ ተፈጥሮ ጋዝ ብተወሳኺ ኣብ መፈልፈሊ ሓይሊ እውን 1000 ሜጋ ዋት ናይ ምፍልፋል ዓቕሚ ብምሓዝ ልዑል ኣስተዋፅኦ ዘለዎ ኢዩ ኢሎም።

ካብ ኩሉ ንዓቐብ ግን እቲ ፕሮጀክት ናይ ጋዝ መፍረዪ ጥራሕ ኣይኮነን ብምባል፥ ንምፍራይ ዘበናዊ ዱኽዒ ወሳኒ ዝኾነ እታዎት ብምቕራብ ንልእላውነት ምግቢ ፃዕርና እምነ ኩርናዕ ኮይኑ ዘገልገል ኢዩ ኢሎም።

ንመፈልፈሊ ሓይሊን ስራሕቲ ክሪፕቶ-ማይኒንግን ኣድላዪ ዝኾኑ እታዎታት ከምዘቕርብ እውን ተዛሪቦም።

ሎሚ ኣብ ክልል ሶማሌ ዝጀመርናዮም ካብ ተዛመድቲ መሰረተ ልምዓታት ብሓፈሻ ኣስታት 10 ቢሊየን ዶላር ዋጋ ዘለዎም ሜጋ ፕሮጀክትታት ክሳብ ምዝዛም ግቡእ ክትትል ከምዝግበረሎም ኣብሪሆም።

ዝጀመርናዮም ንምዝዛም ኩሉ ግዘ ብፅንዓት ብምስራሕን ብምዝዛመን ንኣገልግሎት ክነብቅዖም ኢና ኢሎም።