ፋይዳ ንሓረስቶት ኣገልግሎት ፋይናንስ ሕርሻ ንምቅላል ወሳኒ እዩ – ዮዳሄ ኣርኣያስላሴ

ኣዲስ ኣበባ፣ 20 መስከረም፣ 2019 (ኤፍ ኤም ሲ)ዲጂታል መሰረተ ልምዓትን መለለዪ መንነት ፋይዳን ንሓረስቶት ኣገልግሎት ፋይናንስ ሕርሻ ብቐሊሉ ንኽረኽቡ ወሳኒ እዩ ኢሎም ዋና ፈፃሚ ስራሕ ፋይዳ ቨርስ ዮዳሄ ኣርኣያስላሴ።

ኣብ መዘከሪ ዓወት ዓድዋ እናተኻየደ ዝርከብ ካልኣይ ፎረም ፋይናንስ 2026 ሎሚ መዓልቲ ካልኣይ መዓልቱ ሒዙ ኣሎ።

ዋና ፈፃሚ ስራሕ ፋይዳ ቨርስ ዮዳሄ ኣርኣያስላሴ ኣብቲ እዋን፤ ዲጂታል መሰረተ ልምዓትን መለለዪ መንነት ፋይዳን ንሓረስቶት ኣገልግሎት ፋይናንስ ሕርሻ ብቐሊሉ ንኽረኽቡ ወሳኒ ምዃኑ ገሊፆም።

ካብዚ ብተወሳኺ ውሑስ ዲጂታል መረጋገፂ መንነት /EKYC/፣ ንሓረስቶትን ሓበሬታ መሬት ገፀርን ቅልጡፍን ስሉጥን ኣገልግሎት ክወሃብ ከም ዘኽእል ተዛሪቦም።

ሓረስቶት ብዲጂታል መሰረተ ልምዓት ብምትእስሳር ድሌታት ፋይናንስን ካልኦት ስራሕቲ ሕርሻን ተበፃሒ ንምግባር እናዓበየ ከምዝኸደ ዝገለፁ ኣይተ ዮዳሄ፤ መንነት፣ ሓረስቶትን መሬትን ብምውህሃድ ኣብ ገፀር ቅልጡፍ፣ ስሉጥን ትኽክለኛን ሓበሬታ ንምሃብ ዘኽእል እዩ ምባሎም ግዜኢ ፀብፂቡ።

ላዕለዋይ ኣማኻሪ ሚኒስትሪ ሕርሻ ጌታቸው ድሪባ (ዶ/ር) ብግደኦም፤ ንሓረስቶት ተረባሕነት ፋይናንስ ሕርሻ ንምዕባይ ባንኪታትን ካልኦት ውልቀ ትካላት ፋይናንስን ተሳትፎኦም ከዕብዩ ከም ዘለዎም ገሊፆም።