ከተማ አስተዳደሩ በተያዘው ዓመት ለታላቁ የህዳሴ ግድብ 789 ሚሊየን ብር ለመሰብሰብ አቅዶ በ3 ወራት ብቻ ከ 500 ሚሊየን ብር በላይ ሰበሰበ

የፅህፈት ቤቱ ሀላፊ አቶ ምስክር ነጋሽ በእነዚህ ወራት የተሰበሰበው ገቢ በአመቱ ከታቀደው በላይ ገቢ ሊሰበሰብ አንደሚችል አመላካች ነው ብለዋል።

ለዚህም ምክንያቱ የሁሉም ኢትዮጵያያን አሻራ ያረፈበት ግድቡ የመጀመሪያ ዙር የውሀ ሙሌት መጠናቀቅ እና ለገቢ ማሰባሰቢያ በሀገሪቱ ሁሉም ቦታዎች የሚዞረው ዋንጫ ነው ብለዋል።

የከተማ አስተዳደሩ የህዳሴው ዋንጫን በአስሩም ክፍለከተሞች በማዘዋወር ገቢ እየሰበሰበ ይገኛል።

ይህም ህብረተሰቡ ለግድቡ የሚያደርገውን ድጋፍ እንዲያጠናክር እንዳገዘውም የፅህፈት ቤቱ ሀላፊ ተናግረዋል።

የህዳሴው ግድብ ግንባታ ከተጀመረ አንስቶ እስከባለፈው አመት መጨረሻ ከ 1 ነጥብ 1 ቢሊየን ብር በላይ ገቢ መሰብሰብ መቻሉን አቶ ምስክር ነጋሽ አክለው ገልጸዋል።

በዙፋን ካሳሁን

#FBC
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።