ጽዳት በአመት አንዴ ብቻ ሳይሆን የሁል ጊዜ ተግባር መሆን አለበት- የጽዳት አስተዳደር ኤጀንሲ

በቦሌ ክፍለ ከተማ በተካሄደው የጽዳት ዘመቻ የኤጀንሲው ዋና ዳይሬክተር ዶክተር እሸቱ ለማን ጨምሮ÷ የክፍለ ከተማ አመራሮች ፣የፀጥታ ኃይሎች ፣በጎ ፈቃደኛ ወጣቶች ፣የጽዳት ሰራተኞች እና ልዩ ልዩ የህብረተሰብ ክፍሎች ተሳትፈዋል።

ህዳር 12ትን ጠብቆ ደረቅ ቆሻሻን ሰብስቦ ማቃጣል የእኛኑ ሀብት የሚያወድም ተግባር ከመሆኑ ባሻገር አካባቢያችን የሚበክል መሆኑን÷ የአዲስ አበባ ከተማ የፅዳት አስተዳደር ኤጀንሲ ዋና ዳይሬክተሩ ገልጸዋል።

ጽዳት በዓመት አንድ ቀን ብቻ የሚደረግ ሳይሆን በየዕለቱ በምናደርገው የማያቋርጥ ሂደት መከናወን አለበት ሲሉም ተናግረዋል፡፡

ነዋሪዎች ከተማዋን ፅዱና አረንጓዴ በማድረግ የጀመሩትን ተሳትፎ አጠናክረው እንዲቀጥሉ ዋና ዳይሬክተሩ ማሳሰባቸውን ከአዲስ አበባ ከተማ አስተዳደር ፕረስ ሴክሬታሪያት ያገኘነው መረጃ ያመላክታል፡፡

በተመሳሳይ በሀረሪ ክልል “አካባቢያችንን ከቆሻሻ ሀገራችንን ከአሸባሪዎቹ ህውሃትና ሸኔ እናፀዳለን” በሚል መሪ ቃል የፅዳት ዘመቻ የተካሄደ ሲሆን÷ የሀረሪ ክልል ርዕሰ መስተዳድር አቶ ኦርዲን በድሪ፣ የክልሉ ከፍተኛ የስራ ሃላፊዎችና የከተማዋ ነዋሪዎች ተሳትፈዋል፡፡

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን