Wabii midhaan nyaataan of danda’uuf hojiileen hojjetamaa jiran Abdachiisoodha-obbo Awwaluu Abdii

Finfinnee, Hagayya 14, 2017 (FMC)- Pireezidaantii Itti aanaan Mootummaa Naannoo Oromiyaa Obbo Awwaluu Abdiin wabii midhaan nyaataan of danda’uuf hojiileen qulqulliinaan, baay’inaa fi aritiin hojjetamaa jiran abdachiisoodha jedhan.

Guddina dinagdee mirkaneessuuf mootummaan xiyyeeffannoon hojjechaa jiraachuus dubbataniiru.

Pireezidaantii Itti aanaa Mootummaa Naannoo Oromiyaa obbo Awwaluu Abdii fi hoggantoonni olaanoo biroon Godina Shawaa Lixaa Aanaa Ejersa Lafootti misooma Kilaastera qamadii daawwataniiru.

Godinichatti qonnaan bultoota kilaasteraan ijaaruun hojii hojjetamaa jiruun oomishaa fi oomishitummaa dabaluun wabii midhaan nyaataa mirkaneessuuf xiyyeffannoon hojjetamaa jiraachuu Bulchaan Godinichaa obbo Didhaa Guddataan ibsaniiru.

Lafti heektaarri kumni 800 ol oomishaalee adda addaan uwwifamuus himaniiru.

Daayrektarri Olaanaan Abbaa Taayitaa Galteewwan Qonnaa Oromiyaa Dooktar Birhaanuu Leenjisoo gamasaaniin, galteewwan qonnaa barbaachisan qonnaan bultootaaf dhiyeessuun dinagdee qonnaan bulaa dabaluuf hojjetamaa jira jedhan.

Tsahaay Gulummaatiin.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.