Dargageessi qabeenya naannoo isaa jiru fayyadamee jijjiiramuu danda’a – Obbo Dammaqaa Abeeboo

Finfinnee, Hagayya 23, 2017(FMC) – Obbo Dammaqaa Abeeboono jiraataa Godina Hadiyyaa magaalaa Hosaa’inaati.

Akkuma dargaggoota naannoo isaanii gara Afrikaa kibbaatti yeroo adda addaatti godaananiiru. Garuu jiruun godaansi akka isaan yaadan hin taane. Oomisha waggaaf naga’aadhaan gumbiitti kuufatanii turan gurguruun deemanis, boodarra baasii baasanillee utuu hindeebisin gara biyyaatti harka duwwaa deebi’uuf dirqaman.

Erga asi deebi’aniis faddaaltonni bu’aa hinmalleef daddabarsa namaan argachuu baran irraa callisuu hin dandeenye. Obbo Dammaqaan garuu sossobbii faddaaltotaaf gurra utuu hinkennin carraa misoomaa biyya keessa jiru ilaaluutti fuula deebifatan.

Jalqaba irratti saawwan aannanii lama bituun horsiisa beelladaa eegalan. Deggersa ogeeyyii qonnaanis sheedota ijaarrachuun hojicha cimsanii itti fufan. yeroo ammaa saawwan aannanii sanyii fooyya’aa guyyaatti yeroo sadii elmamuu danda’an 40 horataniiru.Guyyaattis aannan liitira 170 hanga 200tti dhiyeessaa kan jiran yoo ta’u, ijoollee isaanii haalaan guddifachuuf barsiifachuu irra darbanii konkolaataa bitachuus danda’aniiru.

Milkaa’ina kana irra ga’uu kan danda’an xiyyeeffannaa damee kanaaf kennuu isaaniitiin akka ta’e dubbatu obbo Dammaqaan.

Keessumaa teeknooloojii raadden qofti akka dhalatan gargaaru fayyadamuun saawwan aannanii lama gara 40tti guddifachuu dubbatu.

Aadaan hojii fi bu’aan argatan warreen biroos akka fayyade kan dubbatan obbo Dammaqaan, dargaggoonni hedduun muuxannoo isaanii fudhatanii karoora godaansa seeraan alaa qabatanii turan haquun hojii kana akka eegalan himu.

Itiyoophiyaan qabeenyii fi eebbi ishee warra jabaatee hojjetuuf hunda irra kan caaltudha jedhu.

Dargaggeessi yeroo, qabeenyaa fi lubbuu isaa qaalii godaansa seeraan alaan dhabuurra qabeenya kuufamaa biyyaa fi naannawa isaa jiru akka ilaaluu fi itti fayyadamu dhaamu.

Maartaa Geetaachootu gabaase.