Mootummaan hanqinaalee kenniinsa tajaajilaa mul’atan furuuf hojjetaa jira – Dooktar Fitsuum Asaffaa

Finfinnee, Fulbaana 18, 2018 (FMC) – Mootummaan hanqinaalee kenniinsa tajaajilaa sadarkaa hundatti mul’atan furuuf hojjetaa jira jedhan Ministirri Ministeera Pilaanii fi Dooktar Fitsuum Asaffaa.

Magaalaa Bahiirdaaritti Tajaajilii Giddugala tokkoo Masoob har’a bakka Pireezidaantiin naannichaa obbo Araggaa Kabbadaa, Ministira Ministeera Pilaanii fi Misoomaa Dooktar Fitsuum Asaffaa dabalatee hoggantoonni mootummaa Federaalaa fi naannoolee biroon argamanitti hojii eegaleera.

Giddugalichi dhaabbilee 14 kan of keessatti qabate yoo ta’uu, tajaajiloonni 47 giddugala kanatti kan kennaman ta’uu saganticharratti ibsameera.

Masoob lammiileen tajaajila barbaadan bakka tokkotti akka argatan taasisa jedhan Dooktar Fitsuum Asaffaan.

Kunis mootummaa fi lammiilee walitti dhiyeessuuf shoora olaanaa qabaachuu dubbachuu AMCn gabaaseera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.