Adeemsa marii biyyaalessaa irratti paartileen siyaasa hedduun hirmaataniiru- Piroofeesar Masfin Ara’aayaa
Finfinnee, Sadaasa 5, 2018 (FMC)- Adeemsa marii biyyaalessaa irratti paartileen siyaasa hedduun hirmaataniiru jedhan Komishinarri Olaanaan Komishinii Marii Biyyaalessaa Piroofeesar Masfin Ara’aayaan.
Komishinichi paartilee siyaasaa waliin waltajjii marii guyyoota lamaaf turu gaggeessaa jira.
Piroofeesar Masfin Ara’aayaan wayita kana, adeemsa marii komishinichi gaggeessaa jirurratti paartileen siyaasaa garaagaraa dammaqinaan hirmaachaa akka jiran ibsaniiru.
Bu’aa qabeessummaa adeemsa mariif hirmaannaan paartilee siyaasaa murteessaa ta’uu kaasanii, adeemsa marii kanarratti paartileen siyaasaa hedduun dammaqinaan hirmaachaa turuu yaadachiisaniiru.
Paartileen siyaasaa hanga ammaatti hin hirmaanne jiraachuu eeruun, paartileen kunneen yeroo itti aananitti akka hirmaatan waamicha dhiyeessaniiru.
Milkaa’ina kaayyoo komishinichaaf hirmaannaan paartilee siyaasaa murteessaa ta’uus hubachiisaniiru.
Hirmaannaan qaamolee hundaa rakkoolee biyyaalessaa harkifachaa dhufan waaraan furuuf kan dandeessisu ta’uus dubbataniiru.
Amalawarqi Makuwaanintitu Gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.