Manni Maree Ministirootaa dhimmoota garaagaraarratti mari’achuun murtoowwan dabarse

Finfinnee, Sadaasa 20, 2018 (FMC)- Manni Maree Ministirootaa walga’ii idiilee 50ffaa har’a gaggeesseen dhimmoota garaagaraarratti mari’achuun murtoowwan dabarseera.

1.manni marichaa jalqabarratti kan mari’ate Tarsimoo Diijitaal Itiyoophiyaa 2030 irratti yoo ta’u, tarsimichi lammiileef carraawwan haaraa uumuu, dandeettii teeknooloojii guddisuu fi misooma babal’isuu, bulchiisa gaarii mirkaneessuufi guddina diinagdee saffissisuuf tattaaffii taasifamu karaa milka’aa ta’een raawwachuuf yaadamuuni.

Manni marichaa tarsimicharratti gadifageenyaan erga mari’atee booda mana marichaan guyyaa ragga’ee irraa eegalee hojiirra akka ooluu murteesseera.

2.Manni marichaa Waliigaltee deeggarsa faayinaansii lama Waldaa Misoomaa Idil Addunyaa wajjiin mallatteeffameerrattis mari’ateera.

Waliigalteen jalqabaa sagantaa jijjiirama Inarjii qulqulluu fi itti fufiinsa qabu saffisisuu raawwachuuf liiqii ‘SDR’ 294,900,000 yoo ta’uu yeroo haaraa galfannaa waggaa 6 fi waggoottan 38 keessatti kaffalamee kan xumuramu irratti.

Waliigaltee liiqii Ce’umsaa fi Ogummaa Baha Afrikaa fi Piroojektii tokkummaa naannawaa raawwachuuf kan oolu SDR 20,000,000 yeroo haaraa galfannaa waggaa 6 fi waggoottan 31 keessatti kaffalamee kan xumuramu tajaajila dhala irraa bilisaa fi %0.75 kaffaltii tajaajilaa kan kaffalamuuf ta’uun ibsameera.

Waliigalteen liiqii laman kun bulchiinsa liiqii Itiyoophiyaa waliin kan walsimu ta’uu mirkaneessuun Mana Maree Bakka Bu’oota Ummataaf akka qajeelfamu murtesseera.

3.Manni Marichaa Wixinee labsii kaffaltiiwwan tajaajilaa adda addaa Abbaan Taayitaa Eegumsa Naannoo fi Tiyaatira Biyyaalessaa Itiyoophiyaa kaffalchiisan murteessuuf ba’erratti mari’ateera.

Dhaabbileen kunneen tajaajila kennuuf baasii basan of danda’uun galii isaanii guddisuuf tajaajila qulqullina qabuufi itti qufiinsa tajaajilamtootaa guddisuun tilmaamni kaffaltii madalawaa humna tajaajilamtootaa gituun qophaa’e dhiyateera.

Manni Marichaas wixinee dambiwwanii kanneenirratti mari’achuun guyyaa Gaazexaa Naagaaritirratti maxxanfame ba’e eegalee akka hojiirra ooluu sagalee guutuun murteesseera.

4.Manni Marichaa itti fufuun kan mari’ate waliigalteewwan gamlamee 4 irratti yoo ta’u, Mootummaa rippaabliikaa Ummata Chaayinaa waliin dhimmoota yakkaarratti tumsa seera waloo taasisuuf mallatteeffameerratti, waliigalteewwan laman biroo Mootummaa rippaabiliika Ummata Chaayinaa fi Mootummaa Biraazil waliin kanneen itti murtaa’ee dabarsanii kennuuf taasifameedha ,kan biroo Mootummaa Rippaabiliika Afrikaa Kibbaa waliin waliigaltee dabarsanii kennuu irratti.

Manni marichaa waliigalteewwan kunneen yoo ragga’an Itiyoophiyaan biyyoota kanneen waliin yakkoota ittisuufi hammattoo seeraa tumsa gamlameerratti hundaa’e uumuuf kan dandeessisu ta’uu hubachuun wixineewwan labsii kunneen Mana Maree Bakka Bu’oota ummataaf akka qajeelfamu murteesseera.

5. Manni marichaa wixinee dambii mallattoo elektiroonikii irrattis mari’ateera.

Labsii mallattoo elektiroonikii lakkoofsa 1072/2010 guutummaatti hojiirra oolchuuf sirnoota barbaachisaan labsii fi bu’uura labsii mallattoo elektiroonikii fooyya’e lakkoofsa 1358/2017n haala itti gaafatamaa fi iftoomina qabuun dambicharratti bal’inaan mari’achuun guyyaa Gaazexaa Nagaarit irratti maxxanfamee ba’ee eegalee akka hojiirra oolu sagalee guutuun murteesseera.

6. Dhumarrattis manni marichaa dambi mana maree ministirootaa Immigireeshinii lakkoofsa 114/1997 fooyyessuu dhiyaaterratti mari’ateera. Dhaabbatichi aangoo fi ittigaafatama labsiin kennameef akka ba’atuuf dambichi kan qophaa’e yoo ta’u manni marichaa dambicharratti bal’inaan mari’achuun guyyaa Gaazexaa Nagaariit irratti maxxanfamee eegalee akka hojiirra oolu sagalee guutuun murteesseera.