Har’a beekuun egeree haalaan tilmaamuuf gargaara- Dooktar Abiy Ahimad
Finfinnee, Sadaasa 20, 2018 (FMC)- Ministirri Muummee FDRI Dooktar Abiy Ahimad har’a beekuun egeree ijaaruuf qofa osoo hin taane haalaan tilmaamuuf gargaara jedhan.
Ministirri Muummee Dooktar Abiy Ahimad leenjii mata duree “Ilaalcha Mootummaa Ida’amuun Milkaa’ina Dameelee” jedhuun hoggantoota Olaanoo Paartii Badhaadhinaaf kennamaa ture ilaalchisuun ibsa taasisaniiru.
Qaroomina, seenaafi ammayyummaa haalaan hubachuu baannaan har’a ijaaruu akkasumas boru wanta yaadne hojjechuuf ni rakkanna jedhan.
Dhimmoonni gurguddoon Mootummaa Ida’amuu kalaquu, ariitii, baay’inaafi qulqullina ta’uu eeranii, kalaqoota hedduu keessa dhimmoonni qulquliina qaban jiraachuufi hedduu kan hin kalaqne qulqullina mirkaneessuu akka hin dandeenye dubbataniiru.
Seenaan dhala namaa seenaa qaroominaa ta’uu ibsuun, aadaan, amantaan, duudhaaleefi dhaabbileen akkamitti akka uumamaniifi karaa kam guddatanii as akka gahan qorachuufi beekuun barbaachisaa ta’uu hubachiisan.
Qaroomina jechuun sadarkaan guddina aadaafi misoomaa wayita mirkanaa’u akkasumas haala jiruuf jireenyaafi sirna lammiileef mijataa ta’e uumuun wayita danda’amu ta’uu eeraniiru.
Qaromina wayita jedhamu nama, magaalaafi haala jiruufi jireenyaa akka ta’e hubachuun barbaachisaadhas jedhan.
Wandimmaaganyi Tsaggaayeen.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo