Atileet Hagoos Gabrahiwoot fi Atileet Biqilee Anbasseen dorgommii fiigicha daandiirraa kiiloomeetira 10 injifatan

On Jan 25, 2026 13

Finfinnee, Amajjii 17, 2018 (FMC) – Atileet Hagoos Gabrahiwoot fi Atileet Biqilee Anbasseen dorgommii fiigicha daandiirraa kiiloomeetira 10 Itiyoophiyaa 1ffaa injifataniiru.

Dorgommii fiigicha daandiirraa kiiloomeetira 10 guyyaa har’aa magaalaa Hawaasaatti dorgomameen dhiirotaan Atileet Hagoos Gabrahiwoot dorgommicha daqiiqaa 28 fi sekondii 2 fi maayikiroo sekondii 94’tti galuun injifateera.

Dorgommichaan Atileet Gammachuu Didhaa 2ffaa yoo bahu Atileet Alii Qaasim 3ffaa baheera.

Ramaddii dubartootaan Atileet Biqilee Anbassee dorgommicha daqiiqaa 32 fi sekondii 24 fi maayikiroo sekondii 16’tti xumuruun injifatteetti.

Atileet Guutaanii Shaanqoo fi Atileet Sawuhaarag Hayimaanot ammoo 2ffaa fi 3ffaa bahaniiru.

Dorgommii fiigicha daandiirraa Itiyoophiyaa 1ffaa kanarratti Atileetonni 173 hirmaachuun eerameera.

Lewii Ballaxaatu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo