Ministirri Muummee Itti Aanaan Obbo Tamasgeen Xurunaa, Tajaajila Immigireeshinii fi Lammummaa daawwatan

Finfinnee, Hagayya 27, 2018 (FMC) – Ministirri Muummee Itti Aanaan Tamasgeen Xurunaa, Waajjira Muummee Tajaajila Immigireeshinii fi Lammummaatti argamuun hojiiwwan dhaabbatichaa daawwataniiru.

Obbo Tamasgeen, daawwannaa isaaniin hojiiwwan maxxansa paaspoortii, tajaajila lammiilee biyyoota alaa fi kenniinsa tajaajila dhaabbatichaa waliigalaa daawwataniiru.

Tajaajilli Immigireeshinii fi Lammummaa haaromsa addaa hojiirra oolchaa jiru, sirna hojii isaa ammayyeessuun tajaajila saffisaa fi miijataa kennuu irratti argama.

Tajaajilichi bara baajetaa darbe keessatti karaa qilleensaa fi daangaan imaltoota biyya seenanii fi bahan miliyoona 7.2 ’f tajaajila kan kenne yoo ta’u, paaspoortii fi viizaa dabalatee tajaajiloota garaagaraa irraa galii Birrii biiliyoona 42.7 ol walitti qabuu danda’eera.

Humna namaa gahaa fi teeknooloojii fayyadamee of gurmeessuun, paaspoortii elektiroonikaa, viizaa, sanadoota imalaa, tajaajiloota lammiilee biyya alaa, akkasumas to’annoo daangaa lafaa fi qilleensaa dabalatee hojiiwwan hedduu bu’a qabeessummaan raawwachaa jira.

Kunis, tajaajila saffisaa fi dhaqqabamaa lammiilee kabajuu fi guddina biyyaalessaa itti fufsiisuuf mootummaan Ida’amuu qajeeltoo fi hojiirra oolmaa addaan diriirsee kennuu keessatti hiika addaa qaba.

Dhaabbatichi tajaajila isaa caalaatti dhaqqabamaa taasisuuf baay’ina dameewwan tajaajilaa isaa gara 23tti guddisuu kan danda’e yoo ta’u, lammiilee biyyoota alaa miliyoona tokko ol ta’aniif tajaajila kenneera.

Layikun Alamtu gabaase

#Oromia #Ethiopia