Morkii Liiverpuul Cheelsii waliin taasisu…

Finfinnee, Caamsaa 1, 2018 (FMC) – Taphoota Piriimeer Liigii Ingilaandi torbee 36ffaan morkiin Liiverpuul Cheelsii waliin taasisu ni eegama.

Har’a waaree booda sa’aatii 8:30 eegalee falmiin kilaboota laman gidduutti godhamu xiyyeeffannoo argateera.

Waaree booda sa’aatii 11:00 jalqabee Sandarlaandi Maanchiister Yuunaayitiid, Biraayitan – Woolviis, Fuulhaam- Boornimaawuuz waliin yoo taphatan, galgala sa’aatii 1:30 eegalee taphni Maanchiister Siitiin Bireentifoordi waliin taasisu ni eegama.

Boru ammoo morkiin Weest Haam Arsenaal waliin taasisu xiyyeeffannoo argateera.

Boru waaree booda sa’aatii 10:00 eegalee Barnileey -Astoon Viilaa, Kiristaal Paalaas – Eevartan, akkasuma Notingahaam Foorest – Niwuukaasiil waliin taphatu.

Galgala sa’aatii 12:30 jalqabee morkiin Weest Haam gara gadiitti bu’uu jalaa ooluuf, Arsenaal ammoo Shaampiyoonaa ta’uuf godhan akkaan eegama.