Yaa’ii seena qabeessa kanarratti hirmaachuu kootti gammachuu guddaatu natti dhagahame – Dooktar Abiy Ahimad

Finfinnee, Adoolessa 8, 2018 (FMC) – Yaa’ii seena qabeessa kanarratti hirmaachuu kootti gammachuu guddaatu natti dhagahame jedhan Ministirri Muummee FDRI Dooktar Abiy Ahimad.

Ministirri Muummee FDRI Dooktar Abiy Ahimad sirna eegalchiisa Yaa’ii Maree Biyyaalessaa Itiyoophiyaa har’a Giddugala Konveenshinii Idil Addunyaa Addisitti gaggeeffamerratti argamaniiru.

Yaa’ii guddaa hirmaattoonni kumni 4 ol torbeewan arfan itti aananiif gaaddisa tokko jalatti seenaa haaraa galmeessuuf dandeessisuudha jedhan ergaa fuula miidiyaa hawaasummaa isaaniin dabarsaniin.

Yaa’ii seena qabeessa kanarratti hirmaachuu kootti gammachuu guddaatu natti dhagahame jedhan.

Itiyoophiyaan rakkoolee siyaasaa ishee humnaan furuu keessaa bahuun mariin hiikkachuutti ce’aa jirti jedhan.

Yeroo imalli siyaasaa Itiyoophiyaa humnaan hiikamuu xumuramuun mariin hiikamuutti ce’urratti argamna jedhan.

Kaayyoo guddaa kun akka milkaa’uu Komishinaroota Maree Biyyaalessaa gumaacha olaanaa qaban galateeffataniiru.

‎Yaa’ii haala salphaan hin dabalamnee fi seenaa ammayyaa Itiyoophiyaa keessa kaayyoo guddaa qabuudha jedhan.

Kanaanis qormaatilee keenya gara carraatti jijjiiruun ce’umsa siyaasaa karaa nagaa aadaa godhachuu haa bu’uureessinu jechuun ibsan.

‎Guyyaa har’aa sanyii gaarii dhalootaaf ta’uu facaafna, firii isaas ijoolleen keenya akka fayyadaman taasifna jedhan.

Waliin ta’uun abdii, dhiifamaa fi waloon jiraachuu bu’uureessun, marii biyya keessatti taasifamuu fi dhiifamaan rakkoolee keenya furuun Itiyooophiyaa gidduseentummaa alaarraa haa tiksinu.

Hirmaattoonni bu’aa seenaa qabeessa Itiyoophiyaa gaarii, Afrikaaf barnoota, Ummata Itiyoophiyaa hundaaf boqonnaa dhugaa ta’u akka galmeessan waamicha koon dhiyeessa jedhan.

#Oromia #Ethiopia