የኮሮና ቫይረስ ወረርሽኝ በአስከፊ ሁኔታ እየተሰፋፋ ስለመጣ ሁሉም ጥንቃቄ ሊያደርግ ይገባል ተባለ

በመሆኑም መደበኛ የመከላከያ ዘዴዎችንና ክትባቱን በአግባቡ በመውሰድ ህብረተሰቡ ሳይታክት ተግባራዊ እንዲያደርግ ተከታታይ የግንዛቤ ማስጨበጫ ስራ መሰራት እንዳለበት ተናግረው፥ የምክር ቤት አባላቱም ህብረተሰቡን የማንቃት እና ግንዛቤ የማስጨበጥ ስራ እንዲያከናውኑ ብለዋል።

ሚኒስትሯ አያይዘውም ህብረተሰቡን ከአስከፊው የኮቪድ ወረርሽኝ ለመጠበቅ የተለያዩ እርምጃዎችን ሲወስድ መቆየቱን አስታውሰው፥ በቀጣይም የመከላከሉን ሥራ ውጤታማ ለማድረግ በክትባቱ ዙሪያ የሚወሩ የተሳሳቱ አመለካከቶችን ፣ አሉባልታዎችን እና ኢ-ሳይንሳዊ የሆኑ መረጃዎችን ወደ ጎን በመተው በዓለም አቀፍ ደረጃ ጥራታቸው የተረጋገጠ ክትባቶችን በመውሰድ ጤንነቱን መጠበቅ ይገባዋል ብለዋል።

በመድረኩ ላይ የተገኙት የህዝብ ተወካዮች ምክር ቤት ምክትል አፈጉባኤ ወ/ሮ ሎሚ በዶ በበኩላቸው ፥ ሚኒስቴር መስሪያ ቤቱ ከሚመለከታቸዉ ባለድርሻ አካላት ጋር በመሆን አበረታች ስራ እየሰራ መሆኑን ገልፀዋል።

የኮቪድ-19 ወረርሽኝ ስርጭትን ለመግታትና ለመቆጣጠር በማህበራዊ፣ ኢኮኖሚያዊ፣ ስነ -ልቦናዊ ላይ የከፋ ጉዳት ሳያደርስ በትብብር በመስራት የበሽታውን የመከላከያ መንገዶችንና ክትባቱን ያለመሰላቸት ማህበረሰባችን እንዲተገብር መስራትና አገራዊ ኃላፊነታችንን በከፍተኛ ደረጃ ልንወጣ ይገባል ማለታቸውን ከጤና ሚኒስቴር ያገኘነው መረጃ ያመላክታል።

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!