ባህላዊ እሴቶችን በሙዚቃ መግለፅን ዓላማ ያደረገ የሙዚቃ ኮንሰርት በሚሌኒየም አዳራሽ ሊካሄድ ነው

በዝግጅቱ ላይ አንጋፋ አርቲስቶች የተለያዩ የሙዚቃ ቅኝቶችን የሚያቀርቡ ሲሆን፥ ተጋባዥ የኪነ-ጥበብ ባለሙያዎችም ይገኙበታል፡፡

በመድረኩ ላይም አርቲስት ማህሙድ አህመድ ከረጅም ጊዜ በኋላ የሙዚቃ ስራዎቹን መድረክ ላይ ይጫወታል፡፡

የማጀቴ አልበም ባለቤት የሆነችው ኒና ግርማም ስራዎቿን ለመጀመሪያ ጊዜ ለህዝብ ታቀርባለች፡፡

በተጨማሪም አብነት አጎናፍር፣ ቤቲ ጂ፣ ያሬድ ነጉ፣ ሌንጮ ገመቹ እና ግርማ ተፈራን የመሰሉ ዝነኛ አርቲስቶች የሚሳተፉበት ይህ ኮንሰርት በሚሌኒየም አዳራሽ እንደሚካሄድ አዘጋጆቹ ለፋና ብሮድካስቲንግ ኮርፖሬት ገልፀዋል።

የዝግጅቱ አላማ ባህላዊ እሴቶችን በሙዚቃ አማካኝነት በመግለጽ ታዳሚዎች በሚያደንቋቸው አርቲስቶች ሙዚቃ እንዲዝናኑ ማስቻል መሆኑንም ነው ያስታወቁት።