ጠቅላይ ሚኒስትር ዶ/ር ዐቢይ መሠረታቸውን በደቡብ ክልል ካደረጉ የፓለቲካ ፓርቲዎች አመራሮች ጋር ተወያዩ

ጠቅላይ ሚኒስትር ዶክተር ዐቢይ ውይይቱን አመልክተው በፌስቡክ ገፃቸው ባወጡት መረጃ፥ “ከደቡብ ክልል የፖለቲካ ፓርቲ አመራሮች ጋር ዛሬ ባካሄድነው ውይይት፣ የተነሡት ሐሳቦች እና የታየው ግልጽ የውይይት መንፈስ የሚደነቅ ነው” ብለዋል።

በክልሉ የሚኖሩ ሕዝቦችን ልዩ ልዩ ፍላጎት ባማከለ መልኩ፣ ክልሉን እንደገና ለማደራጀት በሚቻልበት መርሕ ላይ መወያየታቸውንም አስታውቀዋል።

“እንዲህ ያሉ ውይይቶች መቀጠላቸው ወደ ተሻለ ጎዳና እንድናመራ እና ዴሞክራሲያዊ እሴቶች እንዲዳብሩ የሚያስችል ነው” ሲሉም ገልፀዋል።

#FBC

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።