“ሊከሰቱ የሚችሉ ስጋቶችን ከሩቅ የማስቀረት ብቃት ያለው ሠራዊት ተገንብቷል” ፊልድ ማርሻል ብርሃኑ ጁላ

On Jul 5, 2025 187

አዲስ አበባ፣ ሰኔ 28፣ 2017 (ኤፍ ኤም ሲ) ሊከሰቱ የሚችሉ ስጋቶችን ከሩቅ የማስቀረትና ብሄራዊ አደጋ ቢከሰት በብቃት መቀልበስ የሚችል ሠራዊት ተገንብቷል አሉ የጦር ሃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ፡፡

የመከላከያ አዛዥነትና ስታፍ ኮሌጅ ለ15ኛ ጊዜ ያሰለጠናቸውን ከሁሉም የጦር ክፍሎች የተወጣጡ ከፍተኛ መኮንኖች በዛሬው ዕለት አስመርቋል፡፡

በምረቃ ሥነ ሥርዓቱ ላይ ፊልድ ማርሻል ብርሃኑ ጁላን ጨምሮ የሰራዊቱ አመራሮች፣ አምባሳደሮችና ወታደራዊ አታሼዎች ተገኝተዋል።

የመከላከያ አዛዥነት ስታፍ ኮሌጅ ዋና አዛዥ ብርጋዴር ጀኔራል ሙሉጌታ አምባቸው በዚሁ ወቅት እንዳሉት፥ ተመራቂ ከፍተኛ መኮንኖች በቀጣይ የሚሰጣቸውን ተልዕኮ በብቃት ለመፈጸም የሚያስችል ስልጠና ወስደዋል።

የወታደራዊ አመራር ሥልጠናው ዘመኑ የሚጠይቀውን ዕውቀት በመጨበጥ ኢትዮጵያን በላቀ ደረጃ ማገልገል እንዲችሉ የሚያዘጋጃቸው መሆኑንም ነው የተናገሩት።

ኮሌጁ ከኢትዮጵያ በተጨመሪ ለሌሎች የአፍሪካ ሀገራትም ወታደራዊ አመራሮችን እያፈራ ያለ ተቋም መሆኑ ተመላክቷል፡፡

በየሻምበል ምህረት

ፈጣን እና ወቅታዊ መረጃዎችን ለማግኘት፡-