”የሰቆጣ ቃል ኪዳን የማሕበረሰቡን ጤና በማሻሻል የጤና ዋስትና እየሰጠ ነው” ምክትል ጠቅላይ ሚኒስትር ተመስገን ጥሩነህ

የጤና ሚኒስትር ዶ/ር መቅደስ ዳባ በበኩላቸው÷ የሰቆጣ ቃል ኪዳን የ15 ዓመታት ስትራቴጂ ትግበራ በ334 ወረዳዎች ላይ ሲከናወን መቆየቱን አብራርተዋል በ2017 በጀት ዓመትም ከ1 ነጥብ 4 ሚሊየን በላይ እናቶችን እንዲሁም ከ2 ነጥብ 8 ሚሊየን በላይ ሕጻናትን ተጠቃሚ ለማድረግ መሰራቱን ነው የተናገሩት፡፡

የሰቆጣ ቃል ኪዳን ተፅዕኖን ለማሳደግ በ2018 ዓ.ም በሁለተኛ ምዕራፍ የማስፋፊያ ትግብራውን ወደ 520 ወረዳዎች ለማስፋፋት ዝግጅት እየተደረገ እንደሚገኝ ጠቅሰዋል፡፡

መቀንጨርን ዜሮ ለማድረስ የምግብና ሥርዓተ ምግብ ተግባራትን ሽፋን ከፍ በማድረግና ለ15 ዓመታት ፍኖተ ካርታው ሃብት በመመደብ በክልሎችና ከተማ አስተዳደሮች ተመሳሳይ ሥራዎችን ማከናወን ይገባል ነው ያሉት።

የሌማት ትሩፋት፣ የአረንጓዴ አሻራ፣ ጽዱ ኢትዮጵያና ሌሎች ኢኒሼቲቮች በ2022 የተቀመጡ ሀገራዊ ግቦችን ለማሳካት ወሳኝ ሚና እንዳላቸውም አስገንዝበዋል፡፡

የሥርዓተ ፋይናንስን ቀጣይነት ለማረጋገጥ 15 ነጥብ 5 ቢሊየን ብር የአባላት መዋጮ መሰብሰቡን ጠቁመው÷ ቀጣይነት ባለው መልኩ ለማሳደግም የትኩረት መስኮችን መለየት ይገባል ብለዋል።