Fana: At a Speed of Life!

የዕድገት መሰላልን ደረጃ በደረጃ ለመውጣት መሞከር ጉልበት ያባክናል – ጠቅላይ ሚኒስትር ዐቢይ (ዶ/ር)

አዲስ አበባ፣ ሕዳር 21፣ 2018 (ኤፍ ኤም ሲ) የዕድገት መሰላልን ደረጃ በደረጃ ለመውጣት መሞከር ሀብትና ጉልበት ያባክናል አሉ ጠቅላይ ሚኒስትር ዐቢይ አሕመድ (ዶ/ር)።

ጠቅላይ ሚኒስትሩ ‘በመደመር መንግሥት ዕይታ የዘርፎች እመርታ’ በሚል ርዕስ ለብልጽግና ፓርቲ ከፍተኛ አመራሮች ስልጠና ሰጥተዋል።

ጠቅላይ ሚኒስትር ዐቢይ አሕመድ (ዶ/ር) በሰጡት ስልጠና ላይ ባደረጉት ገለጻ፤ ችግር ጠልፎ የሚጥለን ሳይሆን ገፍቶ የሚያስፈነጥረን መሆን አለበት ብለዋል።

በችግር ትብታብ ታስሮ ላለመቅረት በአንዳንድ ጉዳይ ዝላይ እንደሚያስፈልግ ገልጸው፤ የዝላይ ትኩረት ሰው ተኮር፣ ትውልድ መር፣ ብዝሃ ዘርፍ እና ሀገር አቀፍ መሆን እንዳለበት ጠቁመዋል።

እንዲሁም ዕውቀት ሸማች፤ ብልጽግና አምራች መሆን አለበት ነው ያሉት።

ዱካ መከተል ቀላል ቢሆንም ከሚፈለገው ግብ አንጻር ባጠረ ጊዜ ለመድረስ አያስችልም ያሉት ጠቅላይ ሚኒስትሩ፤ የዕድገት መሰላልን ደረጃ በደረጃ ለመውጣት መሞከር ሀብትና ጉልበት ያባክናል ሲሉ አብራርተዋል።

ዕድገት ለማምጣት እያንዳንዱን ደረጃ መርገጥ የለብንም ብለዋል።

መደመራዊ ዝላይ የሚያስፈልገው ክፍተትን ለመሙላት እንደሆነ ጠቅሰው፤ እመርታ ከዝላይ ውጪ ሊመጣ አይችልም የሚል እሳቤ በውስጡ አለው ሲሉ አስረድተዋል።

በእመርታ ድልድይ መገንባት መዳረሻው ሁለንተናዊ ብልጽግና ነው በማለት የጠቀሱት ጠቅላይ ሚኒስትር ዐቢይ (ዶ/ር)፤ ሁለንተናዊ ብልጽግና ገንዘብ ብቻ ሳይሆን ሁሉን ነገር በውስጡ ያሟላ እንደሆነ አስገንዝበዋል።

ሁለንተናዊ ብልጽግና ሁለንተናዊ ትጋትና ዘመን የዋጀ ብቃት ደምሮ መያዙን ገልጸው፤ ይህ ሲሆን ግን ባህልን ያበላሸ እና ግብረ ገብን ያጠፋ መሆን የለበትም ብለዋል።

የሀገራዊ ብልጽግና አዕማዶች ኢኮኖሚ፣ ፖለቲካ እና ማህበራዊ ጉዳዮች መሆናቸውን አንስተው፤ ኢኮኖሚው ለሁሉም ከሁሉም በሁሉም መሆን አለበት ነው ያሉት።

እንዲሁም ፖለቲካው አካታችና አሳታፊ፤ ማህበራዊው ደግሞ ትውልዳዊ ልማት ስለመሆኑ አብራርተዋል።

በአቢይ ጌታሁን

ፈጣን እና ወቅታዊ መረጃዎችን ለማግኘት፡-

YouTube www.youtube.com/@fanamediacorporation

Facebook www.facebook.com/fanabroadcasting

Facebook https://web.facebook.com/fanasport

Facebook www.facebook.com/wmccwaltamediaandcommunicationcorporate

Telegram t.me/fanatelevision

Website www.fanamc.com

TikTok www.tiktok.com/@fana_television

WhatsApp www.whatsapp.com/channel/0029VbB0dRxG8l59MUkoWR29

Amharic Entertainment YouTube www.youtube.com/@fanaentertainment

TikTok www.tiktok.com/@fanamc_entertainment

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!

You might also like

Leave A Reply

Your email address will not be published.