በ2ኛው የኢሬቻ ታላቁ ሩጫ አትሌት ጂራታ ሌሊሳ እና ብርነሽ ደሴ አሸነፉ

አዲስ አበባ፣ መስከረም 21፣ 2019 (ኤፍ ኤም ሲ) በቢሾፍቱ በተካሄደው 2ኛው የ10ኪ.ሜ የኢሬቻ ታላቁ ሩጫ ውድድር ላይ በወንዶች ጂራታ ሌሊሳ፣ በሴቶች ብርነሽ ደሴ አሸናፊ ሆኑ።

ውድድሩ “ኢሬቻ ለሀገራዊ መግባባት” በሚል መሪ ቃል በቢሾፍቱ ከተማ በኦሮሚያ ባህልና ስፖርት ቢሮ አዘጋጅነት ነው የተካሔደው።

10 ኪሎ ሜትር በሚሸፍነው በዚህ ውድድር ላይ የዩጋንዳ እና የታንዛንያ አትሌቶችን ጨምሮ ከ40 ሺህ በላይ ሰዎች ተሳትፈውበታል።

በውድድሩ ከፍተኛ ፉክክር በተደረገበት በወንዶች የሸገር ከተማው ተወዳዳሪ ጂራታ ሌሊሳ ቀዳሚ ሆኖ ሲያጠናቅቅ፣ ከሸገር ከተማው ለሚ ተሾመ ሁለተኛ እና ዩጋንዳዊው አቤል ቺቤት ሦስተኛ ደረጃን ይዘዋል።

በሴቶች በኩል የተደረገውን ብርቱ ፉክክር ብርነሽ ደሴ በበላይነት የጨረሰች ሲሆን፣ አዳኑ ዴኮ ከሸገር ከተማ ሁለተኛ እንዲሁም ዝማም ባራኪ ከንግድ ባንክ ሦስተኛ በመሆን ውድድራቸውን አጠናቅቀዋል።

በሁለቱም ፆታዎች አሸናፊ ለሆኑት አትሌቶች 1ሚሊየን ብር እና ዋንጫ ተበርክቷል።

ሁለተኛ ሆነው ላጠናቀቁት ደግሞ 750 ሺህ ብር ፤ በሶስተኛ ደረጃ ይዘው ላጠናቀቁት ደግሞ 500 ሺህ ብር እንዲሁም ከ4ኛ እስከ 6ኛ ደረጃን ይዘው ላጠናቀቁ አትሌቶች ከ300 ሺህእስከ 100 ሺህ ብር የሚደርስ የገንዘብ ሽልማት ተሰጥቷል።

በሰለሞን በቀለ