የኤሌክትሪክ ተሽከርካሪ ቻርጅ መሠረተ ልማትን ማስፋፋት የሚያስችለው ስምምነት…

On Dec 16, 2025 61

አዲስ አበባ፣ ታሕሣሥ 7፣ 2018 (ኤፍ ኤም ሲ) የኢትዮጵያ ኤሌክትሪክ አገልግሎት ከቻይናው ፓወር ግሪድ ኩባንያ ጋር በኢነርጂና አገልግሎት አሰጣጥ ላይ በትብብር ለመስራት ተስማምተዋል፡፡

በአገልግሎቱ ዋና ሥራ አስፈፃሚ ጌቱ ገረመው (ኢ/ር) የተመራ የተቋሙ ከፍተኛ የሥራ ኃላፊዎች ከቻይናው ፓወር ግሪድ ኩባንያ ከፍተኛ የሥራ ኃላፊዎች ጋር ተወያይተዋል፡፡

የሁለቱ ተቋማት የስራ ኃላፊዎች በኃይል ማስተላለፊያና ማሰራጫ መስመሮች፣ በስማርት ግሪድ ኦፕሬሽን እና በአርቲፊሻል ኢንተለጀንስ የታገዝ ቅድመ ጥገና ሥራ ላይ በትብብር ለመስራት ተስማምተዋል።

እንዲሁም በኤሌክትሪክ ተሽከርካሪ ቻርጅ መሠረተ ልማት ግንባታና በደንበኞች አገልግሎት አሰጣጥ ማሻሻያ ላይ በትብብር ለመስራት መስማማታቸውን የአገልግሎቱ የኮሙኒኬሽን ዋና ሥራ አስፈጻሚ አቶ አንዋር አብራር ለፋና ዲጂታል ተናግረዋል።

ሁለቱ ወገኖች በኢትዮጵያ ያለውን የኃይል አቅርቦት ለማዘመንና አስተማማኝ ለማድረግ ፈጠራ የታከለበትና በቴክኖሎጂ የተደገፈ አሰራር ለመተግበር ቁርጠኛ መሆናቸውንም አረጋግጠዋል ነው ያሉት፡፡

በመላኩ ገድፍ