ባለ 500 ተመካካሪ ቡድኖች የቀረቡላቸውን ሃሳቦች እያዳበሩ ይገኛሉ – መስፍን አርዓያ (ፕ/ር)

ዋና ኮሚሽነሩ የሀገራዊ ምክክር ጉባኤውን አሁናዊ ሂደት አስመልክተው ለመገናኛ ብዙሃን መግለጫ እየሰጡ ይገኛሉ።

ከነሃሴ 2 ቀን 2018 ዓ.ም ጀምሮ ከስምንቱም ቡድኖች በተመረጡ 30 አባላት ከስልታዊ ቡድኖች የቀረቡ የአጀንዳ ምክረ ሃሳቦችን ተቀናጅተው 500 አባላት ላሏቸው 8 የስራ ቡድኖች መቅረብ መጀመራቸውን በመግለጫቸው ላይ ጠቁመዋል።

ይህ የምክክር ደረጃ 500 ተመካካሪዎች በሚወያዩበት አጀንዳ ላይ የመጨረሻ ምክረ ሀሳብ ለማቅረብ ጥልቅ ውይይት የሚያደርጉበት መሆኑን አመልክተዋል።

በእነዚህ የተጠናቀሩ የአጀንዳ ሃሳቦች ላይ የመወያየቱ ሂደት እስከዛሬ ድረስ የቀጠለ ሲሆን፥ 500 አባላት ላሏቸው 8 የስራ ቡድኖች የቀረቡ ሃሳቦችን እያደበሩ ይገኛሉ ነው ያሉት።

በስልታዊ ቡድኖቹ የቀረቡላቸውን አጀንዳዎች አዳብረው የጨረሱ እንዳሉ ጠቁመው፥ ነገር ግን ያላጠናቀቁ ቡድኖች በሚጨርሱበት ጊዜ ቀጣዩ ቡድን እንደሚያስረክቡ ተናግረዋል።

በሶስና አለማየሁ