ጠቅላይ ሚኒስትር ዐቢይ አሕመድ (ዶ/ር) የአዲሱ የመደመር መንግሥት ምሥረታ እና የኢፌዴሪ 7ኛው የሕዝብ ተወካዮች ምክር ቤት 1ኛ ዓመት የስራ ዘመን የምክር ቤቱ መመስረቻ 1ኛ መደበኛ ስብሰባ ላይ ባስተላለፉት መልዕክት ያነሷቸው ዋና ዋና ነጥቦች፦
በአንድ እንቅፋት አንዴ መመታት ተፈጥሯዊ ሲሆን ደጋግሞ መመታት ግን ጤናማ አይደለም፤ እንደ ሀገር የሚገጥመንን ፈተና መሻገር የምንችለው እንደ ወንድማማች ተያይዘን እኩል መራመድ ስንችል ብቻ ነው፤ ኢትዮጵያ አሸናፊ እንጂ ተሸናፊ ዜጋ እንደማይኖራት ላረጋግጥላችሁ እፈልጋለሁ፤ የመጣንባቸው መንገዶች ከተጋን ህልማችንን መኖር እንደምንችል ያረጋገጡ ናቸው፤ ከተፎካካሪ ፓርቲዎች ጋር ለብሔራዊ ጥቅም በጋራ መስራት እንደሚቻል በተግባር አሳይተናል፤ ኢትዮጵያ ወጥቶ መግቢያ በር እንዲኖራት ተግተን እንሰራለን፤ ትናንት አልፏል፣ ነገም ገና አልደረሰም፤ ዛሬ ግን ምቹ ሆኖ ደርሷል፤ ኢትዮጵያ የጠላት ሴራን በጣጥሳ መሻቷን በተግባር ትከውናለች፤ ፍላጎታችን ኢትዮጵያ በዓለም እንድትለወጥ ሳይሆን እራሷም ገዝፋ ዓለምን እንድትለውጥ ለማድረግ ነው፤ የምግብ ሉዓላዊነትን ለማረጋገጥ እና ሀገራችንን ከልመና ለመታደግ የበጋ ስንዴ ልማት ስንጀምር ህልመኞች ተብለን ነበር። ዳሩ ግን ህልማችን ገና ከአሁኑ ከውጭ የሚገባውን ስንዴ ማስቀረት ችሏል፤ ኢትዮጵያ ልትፈርስ ነው ተብሎ ከበሮ ሲደለቅ እኛ በአንድነት ትዘልቃለች ስንል ፕሮፖጋንዳ የመሰላቸው ነበሩ፡፡ዛሬ ግን የጠላቶቻችን ጭንቀት ኢትዮጵያ በቀይ ባሕር እንዳትነግስ መገደብ ብቻ ሆኗል፡፡ የማፍረሱ ጉዳይ የማይታሰብ ቅዠት ሆኖባቸዋል፡፡
በምሕረት ደምሴ