በእንግሊዝ ፕሪሚየር ሊግ ዛሬ አምስት ጨዋታዎች ይደረጋሉ

አዲስ አበባ፣ ጥቅምት 7፣ 2019 (ኤፍ ኤም ሲ) በእንግሊዝ ፕሪሚየር ሊግ የ7ኛ ሳምንት መርሐ ግብር በዛሬው ዕለት አምስት ጨዋታዎች ይደረጋሉ፡፡

በዕለቱ የመጀመሪያ ጨዋታ ቀን 8 ሰዓት ከ30 ላይ የምዕራብ ለንደኑ ክለብ ቼልሲ ወደ ሂል ዲኪንሰን አቅንቶ በውድድር ዓመቱ በሊጉ ምንም ሽንፈት ያላስተናገደውን ኤቨርተንን ይገጥማል፡፡

ሁለቱ ቡድኖች በሊጉ እርስ በርስ ካደረጓቸው ያለፉት አምስት ጨዋታዎች ቼልሲ ሦስቱን ሲያሸንፍ፤ ኤቨርተን አንዱን አሸንፎ በቀሪው አንድ ጨዋታ አቻ ተለያይተዋል፡፡

በሊጉ ያለመሸነፍ ጉዞውን ለማስቀጠል የሚፋለመው የመርሲሳይዱ ክለብ ለቼልሲ ፈታኝ ተጋጣሚ እንደሚሆን ይጠበቃል፡፡

በሌላ መርሐ ግብር በፕሪሚየር ሊጉ ሁሉንም ጨዋታዎች በማሸነፍ ሊጉን በ18 ነጥቦች እየመራ የሚገኘው ማንቼስተር ሲቲ ቀን 11 ሰዓት ላይ ኢፕስዊች ታውንን ያስተናግዳል፡፡

ውሃ ሰማያዊዎቹ በሳምንቱ አጋማሽ በአውሮፓ ሻምፒየንስ ሊግ በፒኤስጂ በሜዳቸው ካስተናገዱት ሽንፈት መልስ በሊጉ የአሸናፊነት ጉዟቸውን ለማስቀጠል ወደ ሜዳ ይገባሉ፡፡

በሊጉ ወጥ አቋም ለማሳየት የተቸገረው ሊቨርፑል በተመሳሳይ ሰዓት ወደ ለንደን በማቅናት ብሬንትፎርድን ይገጥማል፡፡

ብሬንትፎርድ በሊጉ በዚህ የውድድር ዓመት እስካሁን ሽንፈት ካላስተናገዱ ሦስት ክለቦች አንዱ ነው፡፡

ሁለቱ ቡድኖች በሊጉ እርስ በርስ ባደረጓቸው ያለፉት አምስት ጨዋታዎች ሊቨርፑል ሦስቱን ሲያሸንፍ፤ ብሬንትፎርድ አንዱን አሸንፎ በቀሪው አንድ ጨዋታ አቻ ተለያይተዋል፡፡

በሌሎች የዛሬ ጨዋታዎች ፉልሃም ከሀል ሲቲ 11 ሰዓት እንዲሁም ኒውካስል ዩናይትድ ከአስቶን ቪላ ምሽት 1 ሰዓት ከ30 የሚገናኙ ይሆናል፡፡