የክልሉን ሰላምና ፀጥታ ለማስከበር ያልተቋረጠ ኦፕሬሽን እየተደረገ ነው – የኦሮሚያ ፖሊስ ኮሚሽን

ከሰሞኑ ሰላማዊ ትግሉን ለመቀላቀል ወደ ሀገር ቤት የተመለሰው ጎልቻ ዴንጌ አርአያን ተከትለው ሌሎች በተሳሳተ መንገድ የሚንቀሳቀሱ የሸኔ አባላት ለመንግስት እጃቸውን እንዲሰጡም ኮሚሽኑ ጥሪ አስተላልፏል።

የክልሉ ፖሊስ ምክትል ኮሚሽነርና የኮሙኒኬሽን ዘርፍ ሃላፊ ረዳት ኮሚሽነር ጌታቸው ኢትቻ በተለይም ለኢዜአ እንደገለጹት፥ተላላኪው አሸባሪው ሸኔ በክልሉ የተወሰኑ አካባቢዎች በጥፋት ተግባሩ የቀጠለ ቢሆንም ከክልሉ የጸጥታ ዘርፍ አቅም በላይ የሆነ የጠላት እንቅስቃሴ የለም።

አሸባሪዎች ህወሃት እና ሸኔ ትልቁ መሳሪያቸው የውሸት ፕሮፖጋንዳ መሆኑን ያወሱት ረዳት ኮሚሽነሩ፥ ህብረተሰቡ ይህንን አውቆ በተለይም በማህበራዊ የትስስር ገፆች በሚነዛ የውሸት ወሬ መደናገር እንደሌለበትም ነው ያስታወቁት።

በሰሜኑ የሀገራችን ክፍል ከተከፈተብን ጦርነት በተጨማሪ በክልሉ የተወሰኑ አካባቢዎች የተላላኪው ሸኔ እንቅስቃሴ አለ ያሉት ረዳት ኮሚሽነር ጌታቸው፥ ይሁንና መንገድ መዝጋት፣ ፎቶ መነሳትና ያልማረከውን ማረኩ ብሎ ከመሸሽና ከመመታት ውጭ የሚያሰጋ ደረጃ ላይ እንደሌለ ነው የተናገሩት።

የኦሮሚያ ፖሊስ ኮሚሽን ከፌዴራል እና አካባቢ የፀጥታ አካላት ጋር የተቀናጀና ለአፍታም ያልተቋረጠ ጠላትን የመደምሰስ ኦፕሬሽን ላይ መሆኑን ህብረተሰቡ ሊገነዘብ እንደሚገባም አመልክተዋል።

ብዙዎቹ የሸኔ ታጣቂዎች ከጥፋት መንገዳቸው በመመለስ ላይ መሆናቸውን የገለጹት ረዳት ኮሚሽነሩ፥ የቀሩት ታጣቂዎችም ከሰሞኑ ወደ ሰላሙ ከተመለሰው የደቡብ ኦሮሚያ የሸኔ መሪ የነበረው ጎልቻ ዴንጌን አርአያ ተከትለው ሌሎችም አባላት ለመንግስት እጃቸውን እንዲሰጡ ከሚሽኑ ጥሪ አቅርበዋል።

በመጨረሻም ረዳት ኮሚሽነር ጌታቸው ኢትቻ፥ ለክልሉና ለመላው የኢትዮጵያ ህዝብ መልካም የመስቀልና የኢሬቻ በዓል እንዲሆን በኮሚሽኑ ስም መልካም ምኞታቸውን ገልጸዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!