የአፋር አርብቶ አደሮችን ሕይወት በተጨባጭ ለሚለውጡ ተግባራት ትኩረት እንሰጣለን-የአፋር ክልል ምክር ቤት አባላት

የክልሉን እምቅ የተፈጥሮ ሃብት በመጠቀም ለውጥ ለማምጣት ትኩረት ሰጥተው እንደሚሰሩ የምክር በቱ አባል የሆኑት አቶ ጀማል አሊ ተናግረዋል።

“በተለይ የእንስሳት እርባታ ዘርፉን በማዘመን ቀዳሚው የክልሉ መንግሥት የትኩረት አቅጣጫ እንዲሆን ይሰራል” ብለዋል።

በዘርፉ የሚታቀዱ ሥራዎችን በመከታተልና በመገምገም ሕዝቡ የጣለባቸውን አደራ ለመወጣት መዘጋጀታቸውን አስታውቀዋል።

ሌላዋ የምክር ቤት አባል ወይዘሮ ዘሃራ ሁመድ÷ የህብረተሰቡን ሁለንተናዊ ተጠቃሚነት ለሚያረጋግጡ ሥራዎች ተፈጻሚነት እንደሚሰሩ ተናግረዋል።

የክልሉ አርብቶ አደሮች ካላቸው የእንስሳት ሃብት በተሻለ ተጠቃሚ እንዲሆኑ አስፈጻሚ አካላትን በመቆጣጠር ከሌሎች የምክር ቤት አባላት ጋር በመሆን እንደሚሰሩ ገልጸዋል።

የአርብቶ አደሩን ኢኮኖሚያዊ ተጠቃሚነት ለማረጋገጥ የገጸና ከርሰ-ምድር ውሃ ሃብት በመጠቀም የምግብ ዋስትናውን እንዲያረጋግጥ ጥረት እንደሚያደርጉ ሌላው የምክር ቤቱ አባል አቶ አቡበከር ኢሴ ናቸው።

የክልሉ መንግሥት ከፊል አርብቶ አደሮች ለውጭ ገበያ የሚውሉ የግብርና ምርቶችን እንዲያመርቱ ለማስቻል የድርሻቸውን እንደሚወጡ ተናግረዋል።

የምክር ቤት አባላቱ የክልሉ ሕዝብ ሰላም እንዲረጋገጥ፣ ፍትህ እንዲሰፍንና ሀገራዊ አንድነቱም እንዲጠናክር ጥረት እንደሚያደርጉ ኢዜአ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!