ጠንካራዋን ቱርክ እንገነባለን – ረጅብ ጣይብ ኤርዶሃን

አዲስ አበባ፣ መስከረም 26፣ 2014 (ኤፍ ቢ ሲ)ጠንካራዋን ቱርክ እንገነባለን ሲሉ የቱርኩ ፕሬዚደንት ረጅብ ጣይብ ኤርዶሃን ተናገሩ፡፡

ፕሬዚደንቱ በኤ ኬ ፓርቲ የፓርላማ ስብሰባ ላይ ባደረጉት ንግግር ለልማትና ለዲሞክራሲ ግንባታ በተረባረብን ቁጥር ታላቅ እና ሃያሏን ቱርክ እንገነባለን ብለዋል፡፡

ፕሬዚደንቱ የሚመሩት ኤ ኬ ፓርቲ የሁሉም ቱርካዉያን ዉክልና ያለዉ ሕገ መንግስት ይፋ እንደሚያደርግ መግለጻቸውን ከቱርኩ ፕሬዚደንት ያገኘነው መረጃ ያመላክታል፡፡

የሌሎች ፓርቲዎችን የሕገ መንግሥት ሀሳቦች እና ዝግጅቶች ማስታረቅ ከተቻለ÷ የሕግ አውጭው ዓመት ከማለቁ በፊት አዲሱን ሕገ መንግስት ይፋ ማድረግ እንደሚችሉም ነው ፕሬዚደንቱ የተናገሩት።

ቱርክን እያስተዳደረ የሚገኘዉ ኤ ኬ ፓርቲ በፈረንጆቹ 2002 ስልጣን የተረከበ ሲሆን÷ የቱርኩ ፕሬዚደንት ረጅብ ጣይብ ኤርዶሃን ደግሞ በሊቀመንበርነት ይመሩታል፡፡

በሚኪያስ አየለ

ወቅታዊ፣ ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!