ሓሳብ መሰረት ዝገበረ ስልታዊ ጉዕዞ ሃገራዊ ዘተ

ኣዲስ ኣበባ፣ 22 ሓምለ፣ 2018 (ኤፍ.ኤም.ሲ)ኢትዮጵያ ኣብ ዝተፈላለዩ እዋናት ዘጋጠሙ ፖለቲካዊ ዘይምርድዳኣት፣ ዕጥቃዊ ቃልሲታትን ዝተሰሓሓቱ ያታታትን እናፈተኑዋ ፀኒሖም እዮም።

ነዚ ስዒቡ ሓባራዊ መፍትሒ ንምእላሽ፣ ምትእምማን ንምህናፅን ዘላቒ ሰላም ንምርግጋፅን ሃገራዊ ዘተ እናካየደት ትርከብ።

ኮሚሽን ሃገራዊ ዘተ እውን ድሕሪ ኣርባዕተ ዓመታት ብርቱዕ ምድላው ኣብ 8 ሓምለ 2018 ዓ.ም ኣብ ኣዲስ ኣበባ ታሪኻዊ ጉባኤ ዘተ ምጅማሩ ይፍለጥ።

ናይዚ ዘተ ፍሉይ ሜላ ተወካሊ ሕድሕድ ዜጋ ብዘይፍርሒን ምግላልን ሓሳቡ ብናፅነት ከቕርብ ዘኽእል ኣዚዩ ዝተመሓየሸ ውዳበ ዝተኸተለ እዩ።

እቲ ኣብ ከይዲ ዝርከብ ሃገራዊ ዘተ ሎሚ መዓልቲ ናይ 250 ተዛተይቲ ስልታካዊ ጉጅለ ዘተ ጀሚሩ ኣሎ።

እቶም 250 እኩባት ንዝቐረቡ ኣጀንዳታት ብጥንቃቐ ይሰምዕ፣ ብስልታዊ ኣረኣእያ ይምዘን፣ ኣብ መወዳእታ ድማ ከም ሓባራዊ መምርሒ መረዳድኢን ክኾኑ ብምዝታይ ከፅድቕ ኢዩ።

ዘተ ናይቶም 250 ስልታዊ ጉጅለ ዝተፈላለዩ ኣረኣእያታት ኣብ ሚዛን ሓሳብ ብምቕማጥ ንሓባራዊ መፃኢ ብህድኣትን ብምትሕብባርን ንምሕንፃፅ ዝግበር ዓብዪ ናይ ዴሞክራሲ ልምምድ እዩ።

ናይዚ ሃገራዊ ዘተ ቀንዲን ዝዓበየን ጥንካረ ኣብ ልውውጥ ሓሳብን ሓባራዊ ምርድዳእን ጥራይ ዝምስረት ምዃኑ እዩ።

ኩሉ ነገር ኣብ ዙርያ ጠረጴዛ ብምድማፅን ብዘተን ብዝግበር ምዃኑ ዘይሻራውነት እቲ ኮሚሽንን ተኣማንነት እቲ ዘተን የርኢ።

ድሕሪ ምዝዛም እቲ ስልታዊ ዘተ፤ ኣብ ዝቕፅል ሰሙን 500 ተዛተይቲ ናብ ዘሳትፍ ሰፊሕ ናይ ምኽክር ምዕራፍ ክኣቱ እዩ።

እዚ ድማ ህዝቢ ኢትዮጵያ ኣብ ሓባራዊ ጉዳያቱ ብሓባር ንምውሳን ዝገብሮ ጉዕዞ ተስፋ ዝህብ ምዃኑ የመላኽት።

ብሓፈሻ ኮሚሽን ሃገራዊ ዘተ ኢትዮጵያ ዝኽተሎ ዘሎ ሳይንሳዊን ብርኪ ብብርኪ ናይ ምድንፋዕ ሜላ እታ ሃገር ንነዊሕ ዘበናት ዝተሰከመቶም ሕልኽላኽ ፀገማት ብሰላማዊ መገዲ ንምፍታሕ ኣብ ፅኑዕ መሰረት እንነበረ ይርከብ።

ፀገማት ብዘተን ብምድማፅን ኣብ ዙርያ ጠረጴዛ ምፍታሕ ኢትዮጵያ ናብ ሓዱሽን ዘተኣማምንን ሓባራዊ መፃኢ ተስፋፃዕራፍ ትሰጋገር ምህላዋ ዘበስር ታሪኻዊ ዓወት እዩ።

ብሶስና ኣለማየሁ