ኣዲስ ኣበባ መግለፂት ብዙሕነትን ፅባቐን ኢያ – ከንቲባ ኣዳነች ኣቤቤ

ኣዲስ ኣበባ፣ 20 ሕዳር፣ 2018 (ኤፍ ኤም ሲ)ኣብ ከተማ ኣዲስ ኣበባ እናተኸበረ ዝርከብ መበል 20 በዓል መዓልቲ ብሄራት፣ ብሄረሰባትን ህዝቢታትን መዛዘሚ መድረኽ ተኻይዱ።

ኣብቲ መድረኽ ምክትል ኣፈ ጉባኤ ባይቶ ወከልቲ ህዝቢ ሎሚ በዶ፣ ኣፈ ጉባኤ ቤት ምኽሪ ፌደሬሽን ኣገኘው ተሻገር፣ ኣፈ ጉባኤ ኣቢያተ ምኽሪ ክልላት፣ ከንቲባ ከተማ ኣዲስ ኣበባ ኣዳነች ኣቤቤ፣ ኣቦታት ሃይማኖት፣ ኣባ ገዳታት፣ ሃደ ሲንቄታትን ነበርቲ እታ ከተማን ተረኺቦም።

ከንቲባ ኣዳነች ኣቤቤ ኣብቲ እዋን ኣብ ዘመሓላለፈኦ መልእኽቲ÷ ኣዲስ ኣበባ መግለፂ ብዙሕነትን ፅባቐን ከምኡ እውን ኩልና ብሓድነት እናሃነፅናያ እንርከብ ከተማ ኢያ ኢለን።

ስራሕቲ ልምዓት እታ ከተማ እውን ብዙሕነት ኣኽቢሩ ማዕረ ተረባሕነትን ተሳትፎን ዘረጋገፀ ከምዝኾነ ብምግላር÷ ነበርቲ ማዕረ ተጠቀምቲ ዝገብሩ ስራሕቲ ተጠናኺሮም ክቕፅሉ ኢዮም ክብላ ተዛሪበን።

ሰላምን ምዕባለን ዝዓሰላ ኢትዮጵያ ምፍጣር ናይ ኩሉ ሓላፍነት ከምዝኾነ ዝሓበራ እተን ከንቲባ÷ ሰላምና እናሓለና ሕውነትና እናጠናኸርና ሃገርና ክብ ክንገብር ይግባእ ኢለን።

ኣፈ ጉባኤ ቡዜና ኣልቃድር ብግደአን እታ ከተማ ናይ ኩሎም ብሄራትን ብሄረሰባትን መንበሪት ከምዝኾነት ብምሕባር÷ ዝተሰርሑ ስራሕቲ ልምዓት ዕድል ማዕረ ተረባሕነት ዝሃበ ኢዩ ኢለን።

በዓል መዓልቲ ብሄር፣ ብሄረሰባትን ህዝቢታትን “ዴሞክራሲያዊ ምርድዳእ ንህብረ ብሄራዊ ሓድነት” ብዝብል መሪሕ ሓሳብ እናተኸበረ ይርከብ።

ብቅድስት ኣባተ

ስሉጥን እዋናዊን ሓበሬታ ንምርካብ፦

ብዩትዩብ www.youtube.com/@fmctigrigna

ፌስቡክ Www.facebook.com/tigrignafana

መርበብ ሓበሬታ www.fanamc.com/tigrigna

ቴሌግራም t.me/tigrignafana ይከታተሉና፡፡

ኩሉ ግዘ ምሳና ስለዝኾኑ ነመስግን!