መሳልል ዕብየት ደረጃ ብደረጃ ንምውፃእ ምፍታን ጉልበት ዘዳኽም ኢዩ-ቀደማይ ሚኒስትር ኣቢይ ኣሕመድ(ዶ/ር)

ኣዲስ ኣበባ፣ 21 ሕዳር፣ 2018 (ኤፍ ኤም ሲ)መሳልል ዕብየት ደረጃ ብደረጃ ንምውፃእ ምፍታን ሃፍቲን ጉልበትን ዘዳኽም ኢዩ ኢሎም ቀደማይ ሚኒስትር ኣቢይ ኣሕመድ(ዶ/ር)።

እቶም ቀደማይ ሚኒስትር፥ ብመርኣዪ ምድማር መንግስቲ ምዕባለ ዓውዲታት” ብዝብል ርእሲ ንላዕለዎት ኣመራርሓ ፓርቲ ብልፅግና ስልጠና ሂቦም።

እቶም ቀደማይ ሚኒስትር ኣብ ዝሃብዎ ስልጠና፥ ፀገም ጠሊፉ ዘውድቐና እንተይኮነስ ደፊኡ ዘንጥረና ከምዝኾነ ገሊፆም።

ብፀገም ተኣሲርካ ንዘይምትራፍ ኣብ ዝተወሰኑ ጉዳያት ዝላ ከምዘድሊ ብምግላፅ፥ ጠመተ እቲ ዝላ ሰብ ተኮር፣ ትውልዲ ዝመርሖ፣ ብዙሕ ዓውዲን ሃገራዊን ምዃን ከምዝግባእ ተዛሪቦም።

ብተወሳኺ ፍልጠት ዝሽምት፣ ምዕባለ ዘፍሪ ክኸውን ኣለዎ ኢሎም።

ርጋፅ እግሪ ምስዓብ ቀሊል እኳ እንተኾነ ብመንፅር ዝድለ ሸቶ ኣብ ዝሓፀረ እዋን ንምፃሕ ኣየኽእልን ኢሎም።

ስለዝኾነ መሳልል ዕብየት ደረጃ ብደረጃ ንምውፃእ ምፍታን ጉልበትን ሃፍቲን ዘዳኽምከመዝኾነ ኣብሪሆም።

ምዕባለ ንምምፃእ ሕድ ሕድ ደረጃ ምርጋፅ ኣገዳሲ ከምዘይኮነ እውን ሓቢሮም።

ናይ ምድማር ዝላ ዘድሊ ክፍታት ንምምላእ ከምዝኾነ ብምግላፅ፥ ምዕባለ ካብ ዝላ ወፃእ ክመፅእ ኣይኽእልን ዝብል ኣተሓሳስባ ኣብ ውሽጡ ከምዘለዎ ተዛሪቦም።

ብኣቢይ ጌታሁን