Hundeeffamni Paartii Badhaadhinaa guddina naannoo Harariif gahee olaanaa bahateera

Finfinnee, Adoolessa 10, 2017 (FMC)- Hundeeffamni Paartii Badhaadhinaa guddina naannoo Harariif gahee olaanaa bahateera jedhan Pireezidaantii Itti aanaan Paartii Badhaadhinaa Obbo Adam Faaraah.

Obbo Adam Faaraah naannichatti  Waajjiraalee Paartii Badhaadhinaa wayita eebbisiisan akka jedhanitti, naannichatti hojiileen fakkeenya ta’uu danda’an hojjetamaniiru.

Duudhaan waldeeggaruu hoggansaafi uummataa milkaa’ina argamaa jiruuf shoora olaanaa bahachaa jiraachuu ibsaniiru.

Gamoowwan ariitiifi haala baasii qusatuun aanaalee sagalitti ijaraman sirna hoggansa piroojektii paartichaa qabatamaan kan mul’isedha jedhan.

Pireezidaantiin naannichaa obbo Oordiin Badriin gamasaaniin, injifannoowwan gurguddoon akka biyyaatti galmaa’an sirrummaa fi fudhatamummaa imaammatawwan Paartii Badhaadhinaaf agarsiistuu ta’uu ibsaniiru.

Gaaffii misoomaa uummataa deebisuuf oomishtummaa guddisuuf hojiileen bu’aa qabeessi hojjetamuufi sagantaa misooma kooriidariin hojiin fakkeenya ta’u hojjetameera jedhan.

Tasfaayee Hayiluutu Gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.