Mariin Dooktar Abiy Pireezidaantii Turkiyyee waliin taasisan COP 32’f muuxannoon kan fudhatamedha – Biillanee Siyyuum

Finfinnee, Sadaasa 3, 2019 (FMC) – Mariin Ministirri Muummee FDRI Dooktar Abiy Ahimad, Pireezidaantii Turkiyyee Rajiib Xaayib Eerdogaan waliin taasisan COP 32’f muuxannoon kan fudhatamedha jedhan Waajjira Ministira Muummeetti Itti Gaafatamuun Seekreetaariyaat Pireesii Biillanee Siyyuum.

Biillaneen turtii Ministirri Muummee FDRI Dooktar Abiy Ahimad Turkiyyee Antaaliyaatti taasisan ilaalchisee ibsa kennaniiru.

Dooktar Abiy Ahimad yaa’ichaan cinaatti hoggantoota biyyoota garaagaraa waliin dhimmoota hariiroo caalmaatti cimsan taasisuu kaasan.

Pireezidaantii Turkiyyee Rajiib Xaayib Eerdogaan waliin marii taasisaniin, tumsa biyyoota lamaanii gara sadarkaa olaanaatti guddisuuf hojiiwwan hanga ammaatti hojjetaman gamaaggamuu isaanii ibsaniiru.

Hoggantoonni lamaan waliigalteewwan kana dura biyyoota lamaan gidduutti taasifaman sadarkaa maalirra akka jiran qorachuuf marii carraa gaarii uume ta’uu dubbatan.

Dabalataanis, Itiyoophiyaan keessummeessituu Yaa’ii 32ffaa Jijjiirama Qabeenya Qilleensaa Mootummoota Gamtoomanii waan taateef, mariin isaanii muuxannoo Antaaliyaa irraa maal barachuu akka dandeenyu irratti kan xiyyeeffate ta’uu isaa ibsan.

#BiyyaGuddoo #UummataGuddaa #MullataGuddaa