Hojii Buusaa Gonofaan hojjetameen humni dandamannaa keenya dabalaa dhufeera- Obbo Awwaluu Abdii

Finfinnee, Adoolessa 10, 2017 (FMC)- Hojii Buusaa Gonofaan hojjetameen humni dandamannaa keenya dabalaa dhufeera jedhan Pireezidaantii Itti aanaan Mootummaa Naannoo Oromiyaa Obbo Awwaluu Abdiin.

Yaa’iin Waliigalaa Buusaa Gonofaa Oromiyaa 2ffaan gaggeeffamaa ture gabaasa yaa’ii waliigalaa dhiyaate irratti mari’achuun xumurameera.

Obbo Awwaluu Abdiin yaa’ii kanarratti ergaa dabarsaniin, Buusaa Gonofaan rakkoo uumamaafi namtolchee mudatu karaa sirnaawaa ta’een qolachuuf bu’uura duudhaa Oromoon sirna ijaaramedha jedhan.

Hojii hanga ammaatti hojjetameenis dandamannaan jiru dabalaa dhufuu ibsaniiru.

Humna dandamannaa dabaluuf mata duree “gargaaramtummaarraa gara oomishtummaatti” jedhuun qonna qotamaa jiruun oomishni  dandamannaa cimsu argamaa jiraachuu eeran.

Hawaasa hirmaachisuun hojiilee misooma garaagaraa hojjechuun rakkoo uumamaafi namtolchee dhufu dandamachuuf dursa hojjetamaa jiraachuus ibsaniiru.

Miseensoota Buusaa Gonofaa yeroo gabaabaa keessatti miliyoona 27 ol horatamuun isaa milkaa’ina guddaa ta’uus ibsuusaanii ragaan Kominikeeshinii Oromiyaarraa argame ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.