Piriimeer Liigii Ingiliiziin taphni har’a Maanchiister Yuunaayitiid Niwuukaasiil Keessummeessu ni eegama

Finfinnee, Mudde 17, 2018 (FMC) – Taphoota Piriimeer Liigii Ingiliiz torbee 18ffaan taphni har’a Maanchiister Yuunaayitiid Niwuukaasiil Keessummeessu ni eegama.

Taphoota torbee lamaan darbanii injifachuun kan hin dandeenye kilaboonni lamaan morkiin har’a halkan sa’aatii 5:00 eegalee waliin taasisan xiyyeeffannoo argateera.

Taphoota lamaan darbaniin Yuunaayitiid tokko injifatamuun tokko ammoo qixa baheera.
Niwuukaasiilis tokko qixa bahuun tokko injifatameera.

Kilaboonni lamaan taphoota hanga ammaatti waliin taphatan 181 keessaa Maanchiister Yuunaayitiid si’a 92 yoo injifatu, Niwuukaasiil si’a 48 injifachuun, taphoota 41 ammoo qabxii qoodataniiru.

Taphoota Piriimeer Liigii Ingiliiz bara kanaa hanga ammaatti taphatameen Maanchiister Yuunaayitiif qabxii 26 walitti qabachuun sadarkaa 7ffaarratti yoo argamu, Niwuukaasiil qabxii 23 walitti qabachuun sadarkaa 11ffaarratti argama.

Maanchiister Yuunaayitiid sababa miidhamaa fi Waancaa Afrikaan tajaajila taphattoota hedduu hin argatu.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.