Arseenaal dursummaa Liigichaa fudhachuuf…

Finfinnee, Onkololeessa 22, 2019 (FMC)- Sagantaa Piriimeer Liigii Ingilaandi torbee 9ffaan har’a taphi Liiverpuul Arseenaal waliin taasisan xiyyeeffannoo argateera.

Haaluma kanaan har’a galgala Sa’aatii 1:30 irratti Liiverpuul dirree isaa irratti Arseenaal ni keessummeessa.

Taphoota lama walitti aansee kan injifate Liiverpuul injifannoo isaa sadaffaa galmeessuuf dirree ni seena.

Liiverpuul qabxii 15’n sadarkaa 5ffarratti kan argamu yoo ta’u, tapha har’aa kan injifatu yoo ta’e qabxii isaa ol guddisuun sadarkaa 4ffaa kan qabatu ta’a.

Arseenaal gamasaan taphicha kan injifatu yoo ta’e, qabxii isaa gara 24 tti ol guddisuun Liigicha dursuu eegala.

Tapha Liigichaa kaleessaan Maanchisteer Siitiin Biraayitaniin galchii 1fi 0’n injifatamuun ni yaadatama.