Shaampiyoonsi Liigii Awurooppaan har’a falmiin PSGn Liiverpuul waliin taasisu ni eegama

Finfinnee, Bitootessa 30, 2018(FMC) – Taphoota nuusa xumuraa Shaampiyoonsi Liigii Awurooppaan morkiin har’a PSGn Liiverpuul waliin taasisu ni eegama.

Tapha mo’anii darbuun Cheeslii dhaqaa gala galchii 8 fi 2’n kan injifate Shaampiyoonaan bara darbe PSGn har’a Liiverpuulitti qormaata guddaa ta’aan eegama.

Liiverpuulis bara kana Shaampiyoonsi liigii Awurooppaan ga’umsa olaanaa agarsiisaa jira.

Shaampiyoonaan yeroo 6 Liiverpuul tapha mo’anii darbuun Gaalaataasaraay dhaqaa gala galchii 4 fi 1’n injifachuun tapha nuusa xumuraaf darbuun kan yaadatamuudha.

Kilaboonni lamaan taphoota kana dura waliin taphatan 5 keessaa Liiverpuul yeroo 3 yoo injifatu, PSGn yeroo lama injifateera.

Taphni kun har’a halkan sa’aatii 4:00 eegalee Istaadiyeemii Paarki Piriinsitti taphatama.

Akkasuma morkiin kilaboota Ispeen lamaan Baarseloonaa fi Atileetikoo Maadriid gidduutti taasifamu xiyyeeffannoo argateera.

Tapha mo’anii darbuun Baarseloonaan dhaqaa gala gachii 8 fi 3’Niwuukaasiil, Atileetikoo Madriid ammoo galchii 7 fi 5’n Tootenhaam injifachuun tapha nuusa xumuraaf walitti dhufan.

Kilaboonni lamaan taphoota as dhiyeenya waliin taphatan 5 keessaa Baarseloonaan taphoota 4 injifateera.

Taphni kunis halkan sa’aatii 4:00 eegalee Istaadiyeemii Kaampinuutti taphatama.

#Oromia #Ethiopia