Taammiraat Toolaa fi Anchiinaaluu Dassee Maaratoonii Beejingi Injifatan

Finfinnee, Onkoloolessa 8, 2019 (FMC) — Dorgommii maaratoonii Beejingi hawwiin eegamaa ture, atileetoti Itiyoophiyaa ramaddii dhiiraa fi dubartootaan injifatan.

Dorgommii ramaddii dhiiraan atileetiin Olompikii fi Shaampiyoonaan Addunyaa Taammiraat Toolaa injifannoo ajaa’ibsiisaa galmeessuun injifateera.

Atileet Taammiraat Toolaan yeroo sa’aatii 2:03:10 ta’een dorgommicha xumuruun riikardii dorgommii maaratoonii Beejingi damee dhiiraa fooyyessuu danda’eera.

Dorgommii dubartootaan ammoo atileet Anchiinaaluu Dassee maaratoonii Beejing yeroo lammaffaaf injifachuun irra deebiiin milkaa’ina galmeessitteetti.

Atileet Anchiinaaluun yeroo sa’aatii 2:20:36 ta’een dorgommicha xumuruun sadarkaa 1ffaa qabatteetti.